2017年1月11日 星期三

人妻晒線露香肩 香香摸定醒獅等生仔 __,香香,岑麗香,

「強嫂」做咗人妻後冇收收埋埋,依然大方晒性感!早前榮升人妻「強嫂」的藝人岑麗香(香香)出席冬甩店開幕活動,大騷香肩及輕晒事業線的她還即席親手炮製及裝飾冬甩。談及其近日公開亮相,她表示早前放了一個長假期,續開心謂現出活動收到很多人的祝福:「好多人同我講新婚快樂,希望帶到喜樂畀大家。」由頭摸到落尾香香續表示今更為店舖助慶的醒獅隊是一起拍攝無綫劇《火線下的江湖大佬》的人員,遇到覺得很有緣。提到司儀表示摸 ...


「強嫂」做咗人妻後冇收收埋埋,依然大方晒性感!

早前榮升人妻「強嫂」的藝人岑麗香(香香)出席冬甩店開幕活動,大騷香肩及輕晒事業線的她還即席親手炮製及裝飾冬甩。談及其近日公開亮相,她表示早前放了一個長假期,續開心謂現出活動收到很多人的祝福:「好多人同我講新婚快樂,希望帶到喜樂畀大家。」

由頭摸到落尾

香香續表示今更為店舖助慶的醒獅隊是一起拍攝無綫劇《火線下的江湖大佬》的人員,遇到覺得很有緣。提到司儀表示摸過獅子就連生貴子時,她即笑說:「由頭摸到尾會帶到福。(你係咪想生子?)摸定先,不過未生住,Hold住啲福先。(幾時生?)冇咁快,我嚟緊二月開《溏心風暴3》,好期待,咁我之前放假做咗好多私事,又結埋婚,之後會繼續喺香港定居。(拍劇咪要擺低老公強強?)唔會擺低咗,係少啲時間陪佢,所以盡力要爭取時間,好彩我入行咁耐,中文都進步咗啲,睇劇本都快咗少少,同埋我人生有改變,可將人生經驗擺入戲度,希望可令我嘅角色戲份更豐富。」

屋企玩煮飯仔

問到香香與強強是否仍是「無飯夫妻」?她說:「我整咗冬甩畀佢。(係咪好少煮嘢食?)有嘅,喺屋企會兩個一齊煮,我煮就佢洗碗,佢煮就我洗碗。(強強對你廚藝有冇畀咩意見?)暫時冇畀乜意見,啱啱開始。(邊個煮得叻啲?)我識煮某啲中式嘢,佢就煮西式嘢,意粉類交畀佢,甜品交畀我做。(係咪婚後先開始學煮嘢食?)之前都有學,依家要用番,之前同麥包(麥長青)拍飲食節目做主持學咗好多住家菜。(買多定煮多?)兩樣都有,簡單嘅就自己整。(有冇煲湯畀老公強身健體?)清熱、溫和身體嗰啲。(有冇補身?)我煮嘅嘢比較簡單,冇咁複製,要慢慢嚟。」並謂二人因由小在加拿大長大,故下廚時會較多選擇煮加拿大口味餸菜。

拿手整可樂雞翼

問到香香最拿手煮甚麼中式菜?她說:「可樂雞翼,同埋最近我哋飛得多,身體弱弱哋,會煮好多粥,最簡單、最溫和、溫暖嘅嘢。(你有冇食中藥補吓身?)間唔中。(係咪調理身體?)暫時冇乜做呢樣嘢。」又稱老公強強想她吃多點,肥番些少。

__________________________

想聽歌?想睇MTV?想了解本地Indie Band資訊

快啲click入「聲大夾樂」專頁: http://on.cc/musicon


來源 source: http://hk.on.cc
鍾意就快D Share啦!
Related Posts Plugin for WordPress, Blogger...