2017年3月11日 星期六

【喜悅難以形容】鄭敬基fb爆喜事 大仔JT悉尼大學碩士畢業喇! __,鄭敬基,

【新增回應】喺80年代同黃寶欣合唱hit爆K歌《酒杯敲鋼琴》嘅鄭敬基(Joe),喺舊年5月同年輕19歲嘅圈外女友AngieMack結婚,一直過住幸福家 ...


【新增回應】喺80年代同黃寶欣合唱hit爆K歌《酒杯敲鋼琴》嘅鄭敬基(Joe),喺舊年5月同年輕19歲嘅圈外女友Angie Mack結婚,一直過住幸福家庭生活,得閒喺fb貼圖晒吓恩愛。噚晚阿Joe喺fb公佈一件喜事,仲話呢份喜悅難以形容!原來阿Joe同前妻生嘅大仔鄭家揚(JT)喺悉尼大學碩士畢業,阿Joe同埋Angie專登去咗悉尼見證JT呢個重要時刻,佢仲好感恩話:「轉眼27載,此時此刻確是喜悅得難以形容。我想起聖經一直的教導,『22:6 教養孩童、使他走當行的道、就是到老他也不偏離。』未來是兒子你的路,我會每天禱告。恭喜你今天碩士畢業。It's a significant day that marks a lot of new beginnings.Congratulation so proud of you!」不過睇到阿Joe貼啲合照,除咗感受到嗰份喜悅之外,阿Joe真係得天獨厚,佢同JT啲合照,睇落似兩兄弟多過兩父子囉!0依家仲喺悉尼嘅阿Joe,今日接受《蘋果》訪問,佢話:「今年係特別開心,都係屋企人嘅開心事,係一啲好值得驕傲嘅事情,好似阿仔碩士畢業,佢係讀物理治療,喺畢業禮聽到主席話呢個科目喺今年拎咗全世界排名第一,覺得冥冥之中,主係看顧我嘅仔嘅前途。」阿Joe仲話:「嗰陣阿仔喺多倫多過去悉尼,諗住跟吓朋友睇吓先,到咗噚日個心有好莫名嘅感動,不過呢個功勞唔係自己,我只係代表家庭,因為佢媽咪同妹妹都喺多倫多,托我同Angie喺香港過嚟,遲啲6月份阿女又畢業,阿仔8月飛返去結婚,所以我嘅心情真係感恩、感恩、好感恩。」佢又話:「我由落機嗰一刻,諗返起佢細個騎上我膊頭,到今時今日已經可以獨立生活,我嘅心情係交俾我相信嘅主耶穌,相信佢會繼續日日照顧我個仔嘅前途,神亦都俾咗一份最好嘅禮物俾我,就係阿仔完成佢嘅學業,再踏入人生另外一部份,多謝大家對我哋嘅祝福。」

見到大仔碩士畢業,鄭敬基話嗰份喜悅好難形容!(鄭敬基fb圖片) 鄭敬基同埋太太去悉尼觀禮!(鄭敬基fb圖片) (鄭敬基fb圖片)
(鄭敬基fb圖片) 其實佢哋似兩兄弟多過似兩父子!(鄭敬基fb圖片) 雖然當年鄭敬基因為偷食而離婚,好彩得到前妻同仔女諒解。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...