2017年4月19日 星期三

【獨家】50歲李澤楷中環做柴可夫 揸186萬戰車等24歲郭嘉文 __,李澤楷,郭嘉文,

現年50歲嘅超級筍盤「小小超」李澤楷,喺《福布斯》2017年香港富豪榜排名第15位,坐擁逾340億港元身家,呢位錢多到使唔晒嘅無腳雀仔,多年嚟身邊「楷 ...


現年50歲嘅超級筍盤「小小超」李澤楷,喺《福布斯》2017年香港富豪榜排名第15位,坐擁逾340億港元身家,呢位錢多到使唔晒嘅無腳雀仔,多年嚟身邊「楷女郎」輪流轉,新上任嘅24歲港姐季軍郭嘉文,繼去年情人節陪李澤楷蜜遊日本曝光後,日前兩人再被《蘋果》讀者透過「爆相爆片」分享孖住出巡中環,似乎李澤楷同郭嘉文嘅戀情正式浮面而讀者見到李澤楷嘅日期,係本月9號星期日,時間係中午約12點,地點係人來人往嘅中環畢打街,喺中環見到李澤楷嘅蹤影唔出奇,但身為富豪嘅李澤楷有司機唔用,親自做柴可夫喺街頭等人,真係好激罕囉!讀者林先生喺電話表示:「嗰日喺中環中建大廈門外見到佢,因為嗰度前面係的士站,我見到有架車停喺雙黃線,覺得好奇怪,望下原來係李澤楷,等咗大約15分鐘,就見到郭嘉文上車,然後一支箭離去。」從讀者提供嘅相片,平日有司機服侍嘅李澤楷,呢日自己揸住09年出廠、價值186萬元嘅PORSCHE媾女戰車,估唔到身為富豪嘅佢,代步嘅戰車已經有8年歷史,雖然佢違例泊車,但就停車熄匙較低咗車窗,見佢喺車內不停篤手機打發時間,好有耐性咁等郭嘉文出現,而着牛仔裙襯白波鞋嘅郭嘉文,露出一雙又直又白嘅長腿,唔知係咪要低調關係,李澤楷冇落車幫女士開車門,只見郭嘉文拿拿臨乖乖開門上車。《蘋果》記者向李澤楷求證係咪拍拖?會否公開戀情?佢以短訊回覆:「今個週末難得可以不需要外地工作,you have a good evening ! Richard P.S. switching phone off now.」言下之意,李澤楷難得不用開工,就約郭嘉文甜蜜過二人世界,仲講明要熄電話避打擾,真係sweet到爆!上月底,郭嘉文被揭一炮過購入價值逾億九龍塘逸瓏天池屋豪宅,由李澤楷愛將李智康代表買家簽訂臨時買賣合約,有報道指郭嘉文最近已約滿無綫,身型又較以前圓潤。不過,呢日見佢現身中環,雖然讀者影唔到佢嘅正面相,但從背面睇就未發現發福跡象嘞。不過,升呢做咗李澤楷嘅朋友之後,郭嘉文的確越嚟越富貴,不時喺社交網晒旅行相,日前就貼櫻花盛放嘅相片,有心水清網友留言問:「Japan?How is your boyfriend doing?」而元宵又貼「新情人」貓仔相,唔知係咪李澤楷送畀佢嘅中國情人節禮物呢!

緊貼「蘋果VR」熱潮,打開雙眼隨意門,讓「蘋果VR」陪您探索新世界:https://goo.gl/b5RQAB「蘋果VR」AppApp store下載:https://goo.gl/0kW2cKGoogle Play下載:https://goo.gl/4K7EHw

(讀者提供圖片) 李澤楷有司機唔用,親自做柴可夫喺街頭等人(讀者提供圖片) 李澤楷冇落車幫女士開車門(讀者提供圖片)
(讀者提供圖片) 新上任嘅24歲港姐季軍郭嘉文
去年情人節陪李澤楷蜜遊日本曝光

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...