與「賊王」葉繼歡相識15年的街工立法會議員梁耀忠，聽到葉繼歡因患癌病逝的消息感到意外，「大半年前曾經去探過佢，當時都無講佢患癌，唔知道係咪佢自己都唔知，可能知道已經好後期」。梁耀忠表示，過去每年最少到獄中探望葉繼歡一次，二人大半年前最後一次見面時，對方的健康、情緒未見有異，「當時佢同我講到兩樣嘢，一係佢要求囚犯有權睇中醫嘅官司，另一樣就係佢老婆提出離婚」，梁稱葉偶爾會提及妻女，「佢當然係唔想離婚」。自1996年中傷被捕後，葉繼歡因多次持械行劫被判入獄41年。他在赤柱監獄服刑期間，為了爭取囚友能用暖水杯，找上多年來爭取為囚犯改善待遇的梁耀忠，二人因而認識。梁形容葉繼歡多年來鮮有提及過去干犯的械劫案，對自己要坐監41年也不太執著，「無乜點講起，佢主要係針對喺監獄嘅生活情況」。梁又指，由於葉的女兒和前妻目前都不在香港，暫時未知後事如何安排。
來源 source: http://s.nextmedia.com
|
鍾意就快D Share啦！
|
|
|
