2017年5月1日 星期一

【頭十位吸金逾33億】范冰冰Baby周董成龍登上百大名人收入榜 恐遭中國查稅 __,Baby,李冰冰,冰冰,范冰冰,周杰倫,周董,成龍,Angelababy,

周杰倫目前喺大陸搞巡演,噚晚喺西安站因為「維護」fans,喺台上叫保安「滾」就出咗事(新聞連結:http://bit.ly/2oZe7Hn),有網民覺 ...


周杰倫目前喺大陸搞巡演,噚晚喺西安站因為「維護」fans,喺台上叫保安「滾」就出咗事(新聞連結:http://bit.ly/2oZe7Hn),有網民覺得周杰倫唔啱,fans就維護偶像,引起罵戰,為咗息事寧人,杰威爾音樂就發出周杰倫嘅澄清,講出事件始末(新聞連結:http://bit.ly/2qnSoK8),仍然被網民咬住唔放,點知一單未完,一單又起!有大陸報道指,周杰倫以1億8150萬元人民幣登上2017中國百大名人收入榜第3名,僅次於范冰冰、鹿晗,最近傳出佢哋被中國稅務查噃!據中國《經濟觀察報》,名人榜收入計算唔包含名人名下嘅投資收入與經營收入;范冰冰以2億4400萬元人民幣拔得頭籌,鹿晗收入1億8160萬元人民幣位居第2,周杰倫以1億8150萬元收入排名第3。榜單統計時間範圍係由2016年1月1號至2016年12月31號,收入主要包括電影、電視劇嘅片酬、導演監製費用、專輯收入、演唱會門票收入、比賽獎金、代言費用同出騷價等。睇番個表名單,黃曉明同Angelababy兩公婆去年已賺逾3億人民幣,分別排第六、第七;成龍就排第五,去年賺1.6億人民幣,仲有李易峰、劉濤、吳亦凡同胡歌亦擠入中國收入排行榜頭十位,只計頭十位,去年一共吸金逾33億人民幣。大陸國家稅務總局稽查局在2月印發通知,明確提出以股權轉讓、投資公司、基金、證券、演藝公司等行業和領域為切入點,並且統一選取30名企業高管、演藝明星,開展個人所得稅及相關聯嘅企業所得稅檢查;而呢啲榜上有名嘅明星,似乎命中率最高。而周董吸金力真係唔惹少,早前上大陸節目《最強大腦》,當被主持人問覺得節目俾到佢啲咩,周董似食咗「誠實豆沙包」直言:「給我滿多東西的啊,就比如說豐富的酬勞」,據悉佢錄《最強大腦》一季大約1300萬元人民幣,《中國新歌聲》(原名《中國好聲音》)一季更高達2742萬元人民幣,齋係2016年收入已突破1.6億元人民幣。(新聞連結:http://bit.ly/2oO1frc)


來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...