張崇德60萬裝修仍未回本。
藝人張崇德現身電台接受訪問時，透露位於荃灣的工作室8月滿約後不獲業主續租，原因係同一工廈有人收到政府嘅信，而業主怕所以不續租，謂：「冇人投訴過，亦冇人話過我係違規，唔知道原來創意工業係唔算工業，我去過好多studio都喺工廈，好複雜，到依家未有人話我知係咪唔得。工作室都有錄音同印碟機，會生產，其實都算係工業。」
問過法律意見
問到可有諮詢法律意見，他直言律師都話冇問題，而自己在工、商廈都開設過工作室有十幾年經驗，只係業主怕會被告違規，所以拒絕續約。張崇德表示有朋友都話商廈都唔得，價錢除咗比工廈貴及怕管理公司投訴嘈音問題，更要經過大型管理公司批准，提到今次可有損失？他坦言在三年前工作室裝修包括隔音、冷氣等，總共花了六十幾萬，但租三年就未能續約，所以未能回本。不過最煩惱的就係7月要出書，9月要演出紀念宗教改革500周年的音樂劇，要物色場地之餘，亦要煩惱如何進行排練。談到音樂劇，他指特別邀請了哥哥張崇基及商天娥演出，更為該劇同錶行合作，設計了一款陀飛輪錶，而收益就會捐獻給音樂劇製作。
另外，對於有傳陳美齡會出任新一屆教育局局長，張崇德覺得係好事，因為對方都係博士，亦將三位兒子管教的好好：「佢又有出書同好了解教育，不妨試吓，每個人都有佢嘅優點，只不過係佢藝人嘅身份令大家覺得好奇怪，當佢係學者就冇問題㗎喇。」
來源 source: http://hk.on.cc
|
鍾意就快D Share啦！
|
|
|
