掃呢頁CODE去手機

2017年5月1日 星期一

孖E奶白雲爭仔 唐詩詠被笑身材似11歲 __,白雲,唐詩詠,

4K劇首播!無綫4K劇《不懂撒嬌的女人》今晚首播,除咗有演技派林文龍同宣萱回歸拍劇,仲集合多位宅男女神參與,好似有唐詩詠、高海寧、孫慧雪(雪雪)、鄧佩 ...


4K劇首播!

無綫4K劇《不懂撒嬌的女人》今晚首播,除咗有演技派林文龍同宣萱回歸拍劇,仲集合多位宅男女神參與,好似有唐詩詠、高海寧、孫慧雪(雪雪)、鄧佩儀,劇集又喺上海、台灣及香港三地取景,探討邊個地方女仔最叻撒嬌,識撒嬌又係咪最得男士歡心,呢個永遠冇答案嘅矛盾議題一直熱爆網,自然男女老幼觀眾通殺!

畫中畫夠新鮮

至於今次無綫力Sell嘅4K拍攝技術,畫面果然清亮光滑咗好多,非常有電影感,一眾藝人皮膚都變滑溜,已達中女之齡嘅宣萱頸紋都變淡唔少,劇集又利用畫中畫表達角色睇手機情節,對好多家庭觀眾嚟講都幾新鮮。

劇情方面,一開始就比較香港女仔同上海女仔嘅身材,唐詩詠搵埋雪雪買Bra,被雪雪取笑其32A上圍係最能代表香港。至於上海女子、詩詠情敵白雲就身懷「E Cup導彈」,白雲亦殺出嚟笑詩詠32A猶如11歲身材,搞到詩詠非常無奈。其後又有高炒鏡頭影住白雲嘅強勁胸器,唔怪得雪雪同鄧佩儀話白雲唔止係「警鐘胸」,直情係「大笨鐘」啦,認真搞笑。


來源 source: http://hk.on.cc
鍾意就快D Share啦!