2017年5月1日 星期一

【同亨亨生多一個】李嘉欣爆囝囝相當抗拒:佢覺得喺屋企做緊山寨王 __,嘉欣,李嘉欣,許晉亨,亨亨,鍾嘉欣,

蔡加讚、江碧蕙、鄧鉅明伉儷等,今午喺沙田馬場舉行「2017愛彼女皇盃」賽馬日,李嘉欣以「愛彼女皇盃」大使身份現身,問到佢腰骨好番未?嘉欣話:「差20% ...


蔡加讚、江碧蕙、鄧鉅明伉儷等,今午喺沙田馬場舉行「2017愛彼女皇盃」賽馬日,李嘉欣以「愛彼女皇盃」大使身份現身,問到佢腰骨好番未?嘉欣話:「差20%,應該就好番晒,我都開始做番運動,現時一個星期做三次,但係好好彩同期同我一齊睇腰骨嘅人,醫生話我係好得番最快,所以我覺得好感恩。」嘉欣解釋係因為其他病人傷得比較嚴重啲,原來呢個係好需要時間。問到早前呻被老公許晉亨冷落?嘉欣笑笑口:「佢否認呀!即係佢成日覺得基本上同一個故事,喺佢口中講出嚟,同喺我口中講出嚟係完全唔同,係兩個版本,佢被人哋問,佢就話『你做咩咁講,我咁關心,我救咗你一命,你又冇提』咁樣。」嘉欣又甜絲絲咁話:「老公亨亨當時有好遠咁衝埋嚟睇我,我唔滿意嗰part就係佢話『冇事、冇事,繼續衝、繼續出去喇』嗰啲,不過啱嘅呢種精神係要嚟鼓勵小朋友係ok嘅。」佢今個復活節同一家大細去咗日本南部旅行享受大自然,佢話小朋友玩得好開心,大人都幾安靜、比較悶,佢話:「今次好奇怪,有啲食物敏感,我就唔係好放假休息到,係皮膚敏感,唔知係唔係因為食物,甚至係床單都有可能。」問到佢出門成日都有事發生,暑假點算呢?嘉欣話:「暑假可能喺屋企,不宜出門,就喺屋企靜養下,不過心理質素都好緊要,唔好成日形住就冇嘢!」老公亨亨會唔會自己同個仔出門?嘉欣話:「佢預咗我,佢一定要我去,無論如何都一定要參與,佢唔理我有啲咩,適宜定唔適宜,你都要去。」嘉欣又指自己事業心唔係咁重,可能做完嘢返到屋企,最開心嗰刻係喺返屋企嗰陣,仲話就算有大陸真人騷搵都唔會受金錢打動,之後有朋友叫亨亨幫手搵嘉欣拍幾日戲,亨亨都代老婆拒絕,問到佢哋會唔會再追多一個?嘉欣話隨緣,反而爆囝囝Jayden相當抗拒:「佢覺得喺屋企做緊山寨王,多咗細佬或妹妹,個焦點會唔喺佢度,好多小朋友都係咁,之後就會黯然接受,初時都會好depressed。」難得生性暴龍哥創科眾籌夢,遭隱世肥報販秒殺! https://goo.gl/hnEB7D

「蘋果VR」App

App store下載:https://goo.gl/0kW2cK

Google Play下載:https://goo.gl/4K7EHw

(攝影:陳俊強) 嘉欣今日以「愛彼女皇盃」大使身份現身。 復活節同一家大細去咗日本南部旅行享受大自然。
嘉欣又指自己事業心唔重,最開心嗰刻係做完嘢返屋企嗰陣。

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...