2017年6月11日 星期日

盛女怪癖多 劉心悠自怨:返天狼星就算 __,心悠,劉心悠,

劉心悠直言入行多年一直緊守性感底線。36歲的劉心悠極少拍性感戲,亦鮮有緋聞,可算是影壇清泉。她在新片《女人永遠是對的》有場穿低胸睡衣的色誘戲,但仍未有 ...


劉心悠直言入行多年一直緊守性感底線。

36歲的劉心悠極少拍性感戲,亦鮮有緋聞,可算是影壇清泉。她在新片《女人永遠是對的》有場穿低胸睡衣的色誘戲,但仍未有大解放騷事業線。

封鎖性感底線

心悠直言入行多年一直緊守性感底線:「我規範住自己唔可以太性感,我腦入面有把聲音,有啲嘢做咗會跟住你一世,依家拍《宮心計2深宮計》嘅服裝得我覺得好低胸,但個個演員都覺得好靚好正常,其實我幾尷尬,個個男人都高過我,從上咁望落嚟,我點打底都冇用,但冇辦法,唯有快啲拍快啲完!我最性感一次係拍《軍雞》要跳艷舞,得一個Bra,條褲短到見到Pat Pat,我已經Oh My God!會諗我以後個孫會見到!(如果拍戲要着泳衣?)一定唔得,試過收過好感動嘅劇本,但要裸露,我都推咗。」

怪癖多多難覓知音

片中心悠的角色眼角高擇偶挑剔,她笑言跟真人各有難頂之處,已達盛女之年的她剖白難覓真愛原因:「我好多怪癖,例如唔鍾意人哋幫我夾餸,我覺得餸同飯係要分開,又例如返到屋企要閂晒門窗,空氣流通嘅感覺唔舒服。」她表示近年有研究靈學,覺得自己是外星人,但很難找到知音人跟她聊此話題:「我諗法係比較另類,我相信我有一日會返去天狼星,我使命再大啲,想做對社會正面嘅事,自己唔拍拖都冇所謂。(難搵到啱傾男友?)我鍾意傾科學、外太空,唔係太多男人頂得住呢啲,朋友都搞笑話打我幾巴想我貼地啲。

此外,心悠跟首次合作的方力申有咀戲,是兩人第一場戲,更要心悠做主動,難怪她直言難忘:「小方企喺度,我就一直錫佢塊面錫到去嘴度。(好咀?)佢唔郁好乖,任我魚肉!」

髮型:Eric Chow@Xenter

化妝:Circle@Annie G.Chan Make-up Centre

服裝:ZIZTAR


來源 source: http://hk.on.cc
鍾意就快D Share啦!
Related Posts Plugin for WordPress, Blogger...