2017年6月24日 星期六

收到捐錢收據 薛家燕嗌Celine以學業為重 __,Celine,薛家燕,家燕,

薛家燕都有讚Celine係好乖。藝人薛家燕今午到馬鞍山出席活動,與銀髮族齊做健身操。談到「小巨肺」Celine爸爸已返港,並表示明天交代一切。薛家燕坦 ...


薛家燕都有讚Celine係好乖。

藝人薛家燕今午到馬鞍山出席活動,與銀髮族齊做健身操。談到「小巨肺」Celine爸爸已返港,並表示明天交代一切。薛家燕坦言:「我個女收到佢以我名義捐錢嘅收據嘞,應該都係我學生嘅學費嚟。(佢打咗畀妳道歉未?)冇,亦冇咁嘅需要,收到張收據明白佢意思嘞。(佢被指虛報履歷。)唔知。(有歌唱比賽勝出者,投訴佢強話人哋係佢學生。)留番佢自己聽日講啦。其實我同佢少接觸,淨係知佢上台派卡片畀學生。咁Celine係好乖,希望日後都以學業為重啦,依家《全美一叮》話禁止全球接工作,要專心參賽,我都覺得係好事。(唔接受譚生道歉?)我哋大人有大量。」

永不言休

談到身體健康情況,她自豪表示:「好ok,so far好好,皮膚亦唔似我實際年齡,最緊要係活得開心,同飲食均衡。其實做嘢同多啲活動對身體好,雖然香港競爭大,但呢種生活模式會keep住令人唔會落後。(冇諗過退休?)冇,拍劇記台詞都令自己記性好。」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...