掃呢頁CODE去手機

2017年6月24日 星期六

big big channel大放送 馮盈盈晒素顏 __,盈盈,馮盈盈,湯盈盈,

唔少藝人都開始玩bigbigchannel,同大家互動!無綫推出嘅新App「bigbigchannel」已啟動,唔少藝人都可以喺程式內自由拍片同Fan ...


唔少藝人都開始玩big big channel,同大家互動!

無綫推出嘅新App「big big channel」已啟動,唔少藝人都可以喺程式內自由拍片同Fans互動,嘩!有得同自己鍾意嘅藝人互動,當然就引起網友關注好似港姐冠軍嘅馮盈盈,仲首次素顏上陣,同大家玩直播,吸引好多網友觀看,個個都大讚佢素顏都咁靚, 皮膚白滑,果然係天生麗質呀!盈盈喺直播過程都有問必答,佢唔單只非常大方承認自己有紋過眉,仲同大家分享美容減肥心得,教大家可以食糙米,薏米可以去水腫等。

之後佢仲即場示範讀報紙,原來佢希望可以改善懶音問題,咬字可以更清晰,為嚟緊開劇做足準備,仲叫網友可以畀建議佢,認真勤力。

而憑劇集《不懂撒嬌的女人》而人氣急升嘅袁文傑亦一樣同大家玩直播,高大靚仔嘅佢,網友亦爭取時間問佢問題,例如問佢拍過幾次拖,袁文傑就冇直接回答,仲話拍過幾次拖同真心投入一段感情係唔同,當中佢亦問網友想佢下次直播同邊個一齊玩,仲畀晒選擇大家投票,如翟威廉、陳展鵬、陳煒同萬綺雯,網友都投晒展鵬,希望見到佢哋合作,袁文傑亦公開邀請展鵬下次一齊直播,相信好令人期待呀!

另外,近日忙於拍攝劇集《大帥哥》嘅洪永城(Tony),就直播分享自己拍攝情況,Tony就帶大家遊古裝街同影吓好靚嘅復古車,網友都叫佢拍攝加油!

而龔嘉欣嘅直播一樣咁精彩,佢就晒出針灸肚皮,嘩!見到咁多支針插喺肚皮上, 真係隔住個Mon都覺得痛,網友都留言問嘉欣咩事,不過,嘉欣叫大家唔使緊張,只係調理身體,調理女仔經後問題,佢仲話1個月針一次,好舒服,網友都話嘉欣晒出纖腰,極度吸睛呀!


來源 source: http://hk.on.cc
鍾意就快D Share啦!