2017年7月3日 星期一

【獨家】肚紋冇晒!黎淑賢同老公開燈親熱 __,黎淑賢,

完全睇唔出黎淑賢竟係四子之母。前亞姐黎淑賢一向纖瘦,但身為四子之母因生仔令肚皮又鬆又皺,連與老公親熱都不敢開燈!即將40歲的她決心再穿三點式,於是半年 ...


完全睇唔出黎淑賢竟係四子之母。

前亞姐黎淑賢一向纖瘦,但身為四子之母因生仔令肚皮又鬆又皺,連與老公親熱都不敢開燈!即將40歲的她決心再穿三點式,於是半年內做機去肚紋,影性感寫真留倩影,更獎勵老公:「以後畀佢開燈同我親熱!」

95年當選亞洲小姐亞軍的黎淑賢(Bonnie)一向keep得好,即使生了四個小朋友亦看不出歲月痕迹,貴為凍齡熟女的她,外間一直以為她食極唔肥、生極都瘦,但原來有苦自己知,她說:「生咗四個小朋友,即係個肚脹大再收縮四次,搞到肚皮又鬆又皺,好多肚紋,無晒自信!」她直言除了參選亞姐時以三點式示人後,一直未敢再穿,直至有次鼓起勇氣再穿,就被一位小朋友童言無忌說:「個肚咁肉酸!」令她心情低落,差點患抑鬱!她更因肚皮又鬆又皺,連與老公親熱都不敢開燈,怕嚇親對方。

丈夫力撐

月中將踏入40歲的她,想重拾當年選亞姐的自信,希望再穿一次三點式,更想拍攝一輯性感寫真留念,於是向老公表明意願,老公支持之餘更提議由她擔任其醫學美容店的代言人。她說:「我唔想靠節食減肥,於是花半年時間,日日去老公舖頭度做機,好似返工打卡咁!」又指今次怕修身失敗令她感到壓力大,幸好老公一直支持。她透露完成療程後,拍攝寫真當日下大雨,她怕要取消而大哭:「老公驚我唔開心,就話落雨都一定要影,好彩之後天公造美,我曬到燶咁滯。」終於不怕打開肚皮見人的她,直言今次做代言沒收酬勞,為了老公亦無所謂,她笑說:「為咗獎賞老公,可以畀佢開燈同我親熱!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...