掃呢頁CODE去手機

2017年7月3日 星期一

【獨家】JM夏天着皮褸露肚臍 嘟嘴 皺眉等外賣勁可愛 __,JM,文詠珊,

28歲嘅文詠珊(JM)呢幾年主力返大陸賺人仔,瘋狂接劇,好快就做咗小富婆,講咗多年買樓俾父母嘅期票亦成功兌現,幾個月前以個人名義,一次過買入同樣位於港 ...


28歲嘅文詠珊(JM)呢幾年主力返大陸賺人仔,瘋狂接劇,好快就做咗小富婆,講咗多年買樓俾父母嘅期票亦成功兌現,幾個月前以個人名義,一次過買入同樣位於港島區嘅光明臺同滙翠臺共2個單位,之前自爆同男友吳启楠(Carl)喺大埔比華利山同居嘅佢,據知買入兩個單位,其中一層俾父母住,另一個單位就用嚟收租。一次過要供兩層樓,JM呢排都係喺大陸搵銀多,不過《蘋果》日前下午兩點幾,就喺大坑見到佢嘅踪影。唔知JM係咪因為太瘦,身上脂肪唔多夠用,事關嗰日下午時間,氣溫非常悶熱,JM竟然可以着長袖皮褸,企喺茶餐廳門外等外賣,而同行嘅除咗文媽媽,仲有兩名男士,反而男友Carl就唔喺身邊,而JM當日主要同其中一位較年青嘅男士傾偈,又不時將手上電話遞俾對方睇,大家有講有笑,等外賣嘅時候,JM就表情多多,一時嘟嘴、一時又皺埋眉頭,鬼咁可愛。外賣等足半個鐘,文媽媽可能有啲悶,於是一個人行咗去附近嘅生果店睇下橙,當日接載JM等人嘅七人車司機,終於忍唔住問着住皮褸嘅JM熱唔熱,叫佢哋全部人上車等,直到攞到外賣,四個人就坐白色七人車,直駛到北角半山威景台。

(採訪、攝影:徐錦池、畢紹基) JM等外賣嘅時候,表情多多
好可愛啊
JM媽媽等等下外賣,去咗買橙 不時就睇電話

來源 source: http://s.nextmedia.com
鍾意就快D Share啦!