2017年7月18日 星期二

【一哥地位】吳業坤沖繩拍MV有女陪食陪玩 __,吳業坤,

吳業坤貴為星娛樂一哥,梗係有星級待遇啦。歌手吳業坤(坤坤)簽約星娛樂後,過去兩年為配合其屋邨仔形象,所拍過的新歌MV圍繞於香港的天台、學校及公園取景, ...


吳業坤貴為星娛樂一哥,梗係有星級待遇啦。

歌手吳業坤(坤坤)簽約星娛樂後,過去兩年為配合其屋邨仔形象,所拍過的新歌MV圍繞於香港的天台、學校及公園取景,全是數萬元的「平民化」製作,但隨着周柏豪、許廷鏗(Alfred)大執位,兩人現分別升格為「星夢娛樂」及「華納」唱片公司一哥後,坤坤的唱片公司高層Tommy為幫坤坤在明年頒獎禮中,連續第三年奪得人氣大獎「我最喜愛的男歌手」而施銀彈造勢。

早前唱片公司首次讓坤坤衝出香港,花30萬製作費安排他到沖繩拍新歌《傷心到變形》MV,還租用「宅男最愛」大黃蜂跑車,實行以靚景、靚車襯托其「一哥」地位吸引歌迷眼球,十足拍旅遊特輯一樣,而在三日兩夜行程中,坤坤有10位工作人員跟隨拍攝外,還有女陪食、陪玩、陪開工,幫他噴太陽油護膚,受寵程度爆燈。

「新女友」係阿媽

坤坤接受《東網》訪問被指「升呢」成「一哥」時,他謙稱:「唔關我『升呢』事,只係呢首歌喺沖繩創作,況且係講正能量,有時傷心都有用㗎,覺得好啱去沖繩拍MV。(全程有女陪喎?)係呀,佢仲早一日去沖繩機場接我機添,好鬼Sweet!(新女友?)佢係我阿媽。」他又說坤媽是首次正式跟他開工,望將來有機會出埠工作時,照樣帶媽媽在身邊,讓媽媽有更多機會旅遊。問到坤坤今次在MV中揸大黃蜂跑車是否好開心?坤坤大讚:「鍾意揸車嘅男仔都想揸吓呢款車,不過我差啲炒埋,因為太大架,同埋係左軚車。」

識咗日本大叔

問到可有趁機在日本識女仔?他搞笑說識了位大叔,又稱臨返香港那晚獨自到深夜食堂包場食消夜飲酒,三小時的過程很開心:「我同嗰個大叔店主用簡單日文及英文單字傾咗成晚,我有介紹自己係香港歌手,畀啲歌、演唱會片佢睇,佢讚我好犀利添!(進軍日本市場?)都係㗎,希望佢幫我宣傳吓,所以我畀咗100蚊美金(約780港元)佢!」不過返港後他有點肉赤,因為那一餐應只需500蚊港元左右!

談及好友Alfred同樣推出以正能量為主題的新歌《根》,坤坤自言有聽過,但覺得兩首歌難比較,他認為:「佢首感性啲,我首快樂啲,兩首都好聽,不過我首歌喺香港暫時係幾獨特嘅題目嚟!」


來源 source: http://hk.on.cc
鍾意就快D Share啦!
Related Posts Plugin for WordPress, Blogger...