2017年8月11日 星期五

背馬國明拖佬拍拖 黃心穎搭膊黐到實 __,心穎,馬國明,黃心穎,

黃心穎呢日撇低馬國明,明目張膽拖佬拍拖喎!無綫花旦黃心穎與緋聞男友馬國明的戀情逐漸浮面,早前有傳他們計劃同居,但卻遭女方家人反對!日前先同馬國明睇戲拍 ...


黃心穎呢日撇低馬國明,明目張膽拖佬拍拖喎!

無綫花旦黃心穎與緋聞男友馬國明的戀情逐漸浮面,早前有傳他們計劃同居,但卻遭女方家人反對!日前先同馬國明睇戲拍拖嘅佢,呢日唔使開工竟然背住「男友」拖佬「拍拖」,心穎更主動拖手搭膊頭,對男方呵護備至,關係如此親密,當然啦,對方就係黃爸爸喇!

兩父女撐枱腳

心懶為紓緩屋企人對「男友」印象,日前趁得閒就做孝順女陪爸爸去飲茶撐枱腳,順便落嘴頭幫馬國明講好話。呢日中午12時半,心穎駕車離開油塘寓所前往樂富,泊好車後佢先去酒樓攞定位,然後再去附近接埋爸爸一齊去酒樓,席上見佢哋邊食邊傾,期間見心穎不時使出招牌笑容,又經常為爸爸夾點心,極為體貼。

連環出招冧爸爸

逗留約個多小時,兩父女醫肚後步出,當行到多人嘅地方時,心穎即主動拖住爸爸隻手並肩而行,期間亦會搭爸爸膊頭,沿途有不時途人眼望望,但佢一於少理,繼續拖住爸爸邊行邊傾,溫馨指數爆燈。落完嘴頭嘅心穎,先送爸爸返回樂富寓所後,才自行往停車場取車離開。


來源 source: http://hk.on.cc
鍾意就快D Share啦!
Related Posts Plugin for WordPress, Blogger...