2017年8月11日 星期五

【陳豪喺屋企湊仔】返港首日即復工 陳茵媺剪新髮型勁飄逸 __,茵媺,陳豪,陳茵媺,

陳茵媺早前帶住3個仔女到加拿大,噚晚返到香港,老公陳豪親到機場接機,一家五口幾咁溫馨。(新聞連結:http://bit.ly/2ww6E6J)陳茵媺噚 ...


陳茵媺早前帶住3個仔女到加拿大,噚晚返到香港,老公陳豪親到機場接機,一家五口幾咁溫馨。(新聞連結: http://bit.ly/2ww6E6J )陳茵媺噚晚話正式復工,將會拍電影《日月星》,當中原島大地同湯怡都有份演,今日就見佢喺中環整頭,之後再去睇景,大概3點半左右離開髮型屋,佢一頭短髮,戴黑超,拖住喼出現。佢接受訪問時表示係為咗套戲提早返港,而新戲中做老師,之前冇做過呢類角色,覺得係次挑戰。久休復工,陳茵媺話心情好開心、興奮,佢話返多倫多前已同導演溝通好多次,為咗套戲狂keep fit,仲話o依家同老公鬥腹肌大,大家食嘢都好健康。至於開工仔女有冇唔捨得,佢話:「佢哋問我去邊,我答佢哋要開工,佢哋仲話可唔可以陪我,o依家老公(陳豪)喺屋企睇住小朋友。平時做嘢,盡量都係我哋湊番,因為我哋父母唔喺香港,我同老公配合時間,盡量其中一個都湊住。」噚晚返港,陳豪急不及待去機場接機,仔女都好掛住爸爸,陳豪又錫又咬啲仔女,見面相當開心,陳茵媺話:「喺車上佢哋問Daddy可唔可以唔好揸車,要hug,又一齊唱歌,佢哋喺多倫多已經好掛住Daddy,又話掛住屋企,成日問佢會唔會嚟,我解釋Daddy要做嘢。」9月陳茵媺啲細路返學,到時佢已經拍完戲可以湊返學,佢熱愛拍戲係工作狂,話有適合劇本都會做。

採訪、攝影:羅德光、陳順禎、王連連 照顧仔女嘅工作暫時由老公陳豪負責,Aimee就開工喇。
首日復工去咗整頭髮,睇嚟萬事都ready。
呢下轉身,把頭髮飄起,好似拍緊廣告咁。 臨走好nice say bye。 噚日陳豪去咗機場接機,仲撩阿女玩。(資料圖片)
(資料圖片)

來源 source: http://s.nextmedia.com
鍾意就快D Share啦!
Related Posts Plugin for WordPress, Blogger...