掃呢頁CODE去手機

2017年8月17日 星期四

拍拖五年 何廣沛紅咗即飛前 donut女友 [壹週刊 - 1432] __,何廣沛,M1,

12年何廣沛加入第26期訓練班而認識曾經係𡃁模donut成員的周梓盈。探熱針拍拖五年 何廣沛紅咗即飛前donut女友無綫穿越劇《超時空男臣》正在熱播, ...


12年何廣沛加入第 26期訓練班而認識曾經係𡃁模 donut成員的周梓盈。

探熱針

拍拖五年 何廣沛紅咗即飛前 donut女友

無綫穿越劇《超時空男臣》正在熱播,連帶飾演太監的何廣沛( Matthew)火速彈起,外表乖仔的 Matthew一直自稱單身,但實情 12年加入大台藝訓班時,已經同做過𡃁模組合 donut成員的同學周梓盈( Ice)撻着,甜蜜拍拖五年,可惜隨着男方知名度日益增加令二人聚少離多,最近何廣沛正式狠飛女友!

藝訓班情緣

現年二十九歲的何廣沛( Matthew),加入無綫第二十六期藝人訓練班而入行,一二年畢業冇耐,即俾鄭丹瑞及吳啓華揀中喺《女人俱樂部》做吳的年輕版而為人熟悉,陸陸續續有份拍多套作品,當中不乏女藝人埋身,但都一一唔過電。

每當被傳媒問到感情事,何廣沛都口口聲話自己單身,實情當年一入藝訓班,已經睇中同期做過𡃁模組合 donut成員的周梓盈( Ice)並展開追求,難得女方都嗒糖,日對夜對當然一拍即合,同女友拍拖五年,雖然對外一直低調,但在圍內已經係公開嘅秘密。

「佢兩個拍拖好多行內人都知㗎喇,就連訓練班老師旦哥都知,早幾年佢哋都唔會避忌,成日拍住拖出席朋友 gathering,次次都見 matthew會送梓盈返屋企,嗰陣我哋都狂讚 matthew係好仔,仲成日講笑話梓盈執到。」何廣沛身邊人說。

同屬第 26期訓練班的何廣沛和周梓盈,近年都拍住拖去旦哥屋企拜年。

同周梓盈拍拖五年,何廣沛經常孖住女友出席朋友飯聚。

人紅就變

要數近年加入大台訓練班,何廣沛算是最好彩的一個,短短五年已經拍過不少劇集,上年在《星和無綫電視大獎 2016》頒獎典禮攞「最佳新人」獎,今年他的事業更是如日方中,先後在《財神駕到》、《親親我好媽》擔任重要角色,直到現在《超時空男臣》的「李小冬」,何廣沛人氣真是升到嘭嘭聲。

人紅自然忙,由去年開始,何廣沛幾乎每日都夜以繼日為劇集開工,根本無時間拍拖,今年三月,何廣沛更飛去橫店拍劇集《天命》,成個月都無得見面,加上每次拍劇都跟不同女藝人有親熱戲,作為女友的周梓盈自然有微言,不過以往將女友放第一位的何廣沛,自從由橫店返港後就對女友態度一百八十度轉變得冷淡,最後乘機撇低女友,以免感情會影響星途。

「其實 Matthew上年開始已經忙到少咗好多時間陪梓盈,開頭梓盈都好體諒同支持佢,直到今年 Matthew喺橫店返嚟之後,梓盈就 feel到 Matthew對佢嘅態度有啲唔妥,仲嘈過一次大交,最後 Matthew竟然主動提出分手,話想大家冷靜吓專注工作先再諗感情事,又講到唔想嘥梓盈時間,梓盈 hurt到爆,仲嬲到喺 IG取消關注對方!」知情者說。

最近何廣沛日日都忙住為新戲《跳躍生命線》開工,升呢做男二的他似乎未有受失戀影響情緒,等埋位時仲同拍檔玩到癲。

何廣沛多次向女友梓盈暗示怕浪費對方時間,令梓盈在 IG發文表示「不要怕」來挽留何廣沛。

今年六月尾,何廣沛亦在 IG發文表示「自己選擇的路,跪着也要走完。」這張亦是女友周梓盈對男方最後一張按讚的貼文,而何廣沛最後決定狠飛梓盈,嬲到女方取消關注何廣沛。

上午何廣沛在《星和無綫電視大獎 2016》頒獎禮中奪得「最佳新人」獎。

今年三月,何廣沛飛咗成個月去橫店拍劇集《天命》,其間仲成日 po相同小三慣匪何雁詩晒恩愛,難怪女友周梓盈呷醋。

無綫熱播的《超時空男臣》,飾演太監的何廣沛人氣急升。

負心漢

圈中不少女星,唔會嫌男友名氣比自己低,多年來背後默默支持,終於等到男友成功捱出頭卻被狠飛。

陳偉霆 蔡卓妍

10年陳偉霆與阿 Sa展開姊弟戀,當年 William知名度不高,二人被指女尊男卑, 14年陳偉霆在內地拍劇《古劍奇譚》火速爆紅,身家同名氣都幾級跳,其後即傳出男方搭上內地女星趙麗穎,以聚少離多為由與阿 Sa分手。

蕭正楠 何傲芝

霉咗咁多年, 13年蕭正楠憑住無綫劇《仁心解碼 II》飾演「哨牙仔」大翻身,其後合作《師奶 Madam》與黃翠如搭上,並高調在《東張西望》公開愛的宣言,即飛何傲芝出局,結束三年感情,搞到何傲芝一肚氣,為翠蕭戀激瘦廿磅。

鄭俊弘 姜麗文

鄭俊弘與舊愛姜麗文拍拖六年,自 13年在《星夢傳奇》彈出後,鄭俊弘即死口唔認姜麗文女友身份,一度激怒秦沛,其後食女緋聞一大籮,連 Lesley哥哥姜文杰亦忍唔住出口寸鄭俊弘,紅咗多女埋身。

愁爆開工

食住個勢,最近何廣沛在《跳躍生命線》已成功跳上第二男主角,位置僅次於馬德鐘,日日忙住拍劇冇時間諗感情事,另一邊廂,周梓盈都入咗新劇《逆緣》繼續做二打六角色,早前,《逆緣》劇組在屯門拍外景,周梓盈鏡頭前笑到四萬咁口,但等埋位就全程悶悶不樂,失戀打擊真大。

上週四(八月十日),周梓盈現身屯門為劇集拍外景,剛經歷失戀的她全程愁眉苦臉,事後記者就分手一事致電梓盈求證,她例牌否認。

曾經係𡃁模組合 donut成員的周梓盈, 12年加入 26期訓練班,至今雖然參演過多部電視劇,但全部都係二打六角色。

當年,何廣沛都為節目《獎門人》做過布景板。

一二年畢業訓練班無耐,即俾鄭丹瑞及吳啟華揀中在《女人俱樂部》中做年輕版吳啟華。

陳嘉寶

每次拍劇,何廣沛都同唔少女星有親密戲份,作為女友當然不是味兒。

江嘉敏

撰文:娛樂組

攝影、攝錄:蕭敬漁、森美、余一駱


鍾意就快D Share啦!