2017年9月1日 星期五

【迎接新學年】兩母女手拖手行 郭可盈:每日都湊佢返放學 __,郭可盈,

今日9月1日喇,悠長嘅暑假終於結束,莘莘學子正式開學日,無論係學生抑或家長,都齊齊早起身迎接新學年,好似兩位靚媽郭可盈同徐菁遙(Suki,前名徐淑敏) ...


今日9月1日喇,悠長嘅暑假終於結束,莘莘學子正式開學日,無論係學生抑或家長,都齊齊早起身迎接新學年,好似兩位靚媽郭可盈同徐菁遙(Suki,前名徐淑敏),佢哋嘅囡囡都係就讀位於九龍赫德傑道保良局蔡繼有學校,今朝8時許,郭可盈就帶同女兒林天若上學,可盈同囡囡喺學校較遠嘅地方先行落車,然後就同工人姐姐一齊步行返學校。

可盈同天若好sweet咁手拖手咁行返學校,入到學校,可盈仲幫囡囡整理好頭髮,當然要叮囑囡囡幾句,相信都係一啲鼓勵說話同叫囡囡俾心機上堂嘅說話啦,之後就同工人姐姐離開,可盈見到記者,都好友善咁停低傾咗幾句,佢話:「今朝係早啲起身準備,整早餐都係要嘅,老公喺大陸拍緊戲,今日準備咗個好好嘅心情,個女好都期待返學,好開心、好興奮。」呢位廿四孝媽咪都認真唔話得,佢仲話,將會每日會湊囡囡返學同放學。

而另一位靚媽Suki約8點半,坐住「BATMAN V」 車牌嘅七人車,載住兩個寶貝女心瑤同心悠去到學校門外,同行嘅仲有兩個外籍保鑣隨行,兩個寶貝囡囡落車,保鑣隨即緊貼左右,而學校亦好體貼,有多名老師於校外站崗,迎接返學嘅同學。而原先就讀該校嘅郭晉安兒子令山,據知已轉到宣道學校就讀。



想隨時獲得更多親子資訊,快啲like Easy PaMa Facebook

https://goo.gl/1qWM8g

攝影:沈健程、黃曉程 可盈將車停喺學校附近,然後同囡囡手拖手咁行返學校,認真Sweet。 仲送埋囡囡入學校添!
Suki就車到學校門口,仲有兩個外籍保鑣隨行。 然後有老師接心瑤同心悠入學校。

鍾意就快D Share啦!
Related Posts Plugin for WordPress, Blogger...