2019年7月31日 星期三

《我和星星有個約會》:C1:一王3后摸黑開波柏豪頻頻射歪 __,來追星星的你,周柏豪,星星,

柏豪喺籃球場上嘅雄風一樣吸引!「男神」周柏豪唱歌冧女掂,在籃球場上的雄風一樣吸引,難怪三位女粉公然相約打夜波,吶喊打氣出「音波功」嘈到拆天,令他緊張得 ...


柏豪喺籃球場上嘅雄風一樣吸引!


「男神」周柏豪唱歌冧女掂,在籃球場上的雄風一樣吸引,難怪三位女粉公然相約打夜波,吶喊打氣出「音波功」嘈到拆天,令他緊張得頻頻失準,事後,粉絲送上香蕉「補身」,還即場向偶像催生,柏豪未有被嚇窒,神回:「唔使擔心,我身體健康,緣分到自然有。」

周柏豪是標準籃球迷,更被指是動畫《男兒當入樽》的真人版「流川楓」,他曾是香港籃球代表隊青年軍,入行後也沒放棄夢想,自組球隊出賽。粉絲Winnie仰慕他連打波都一樣「型」,故與Carrie和Fion組成「柏豪粉絲大聯盟」,透過「我和星星有個約會」的千載難逢機會,挑戰偶像球技,為了增加勝算,更選擇於晚上摸黑對賽。

落場先教基本功

柏豪先禮後兵傳授三位粉絲基本功,包括拍波、運球等動作和射鎖匙圈,當中Carrie原來扮豬食老虎,而從未打過籃球的Fion則相當有天分,反觀Winnie就仍需努力,練極唔到位!到柏豪大顯身手,雖然開始時手風欠順,型爆風采依然令女粉們如癡如醉,熱身後,他當然不負眾望,入波易如反掌,完美射爆鎖匙圈!

正式落場實戰,一男鬥三女進行「射波友誼賽」,入球最多就成為「球王」,柏豪當然要讓賽,安排粉絲企在較前位置射波,自己則企開幾個身位,有打開籃球的Carrie首球即入,柏豪交戲扮好驚,乘機出蠱惑擾亂她視線,其實志在搞氣氛,結果Carrie只射入三球。至於被指是天才的Fion,竟然五射四中,柏豪嚇到面青,笑言:「我要走先」至於Winnie最終只入得一球。

沙膽追問幾時生B

到柏豪「騷哥利」時,三女因太陶醉而打回原型變身忠粉,不停吶喊打氣,但柏豪卻說:「你哋好嘈呀!」逗得大家爆笑。在群眾壓力下,柏豪只射中三球,問到是否讓賽?他笑而不答,並宣布Fion勝出,還說:「你會得到周柏豪打過嘅籃球一個,你留低繼續打,我哋三個去食飯。」Fion梗係唔制

事後柏豪表示:「近幾年比較少機會同粉絲面對面互動,好開心可以有今次呢個機會,打我鍾意嘅籃球,粉絲表現比我嚟之前嘅幻想好好多,表現非常之好。」豈料Winnie沙膽提問:「你會幾時生BB?」好在柏豪招架得住,神回:「緣分到,自然就會到㗎唔使擔心,我都身體健康嘅!」Winnie即場拿出兩隻香蕉給偶像補充體力,柏豪再回:「我個袋都有兩隻喎!你有所不知,我一日起碼食三、四隻蕉。」食得咁健康,相信很快就有好消息公布。

更多新聞,瀏覽東方日報網頁:

https://orientaldaily.on.cc/




來源 source: http://hk.on.cc
鍾意就快D Share啦!
Related Posts Plugin for WordPress, Blogger...