2020年7月2日星期四

為新劇《殺手》去得盡李佳芯江美儀齊晒「事業線」 #李佳芯 #殺手 #江美儀

為新劇《殺手》去得盡李佳芯江美儀齊晒「事業線」

李佳芯同江美儀喺《殺手》中，都有晒吓身材。

曾經憑劇集《衝上雲霄II》、《誇世代》奪取台慶「最佳劇集」獎嘅TVB監製陳維冠，喺熱播新劇《殺手》中搵嚟兩大視帝陳豪和黎耀祥，加埋龔嘉欣、李佳芯、江美儀等演出。該劇題材罕有，屬於武打懸疑類電視劇，演員形象鮮明。

繼視帝祥打餐死後，昨晚輪到陳豪大展身手，喺台灣一打十去營救李佳芯，殺手身份敗露後，陳豪就索性安排傻氣「師奶仔」李佳芯(Ali)換上bra top襯魚網衫、熱褲造型，扮殺手引龔嘉欣出來對決，鏡頭前罕有性感嘅Ali好快出場喇！而她踎低時，更微露「事業線」，好養眼。

另外，劇中扮演妓女LuLu嘅江美儀就有唔少性感造型，昨日她上截多張和恩客黎耀祥嘅劇照留言：「我在這粉紅色房間，煲了湯，等著你來！又話OL，又話學生妹，咁要加錢先得㗎喎！」她更大讚「嫖客」黄耀煌，為呢場戲準備了一個月去健身：「機會係留畀有準備嘅人。」網民大讚美儀靚女，有人留言：「我都想喝湯」、「有夫妻相」、「小心祥嫂」，最搞笑竟有人追問：「江老師營業時間？」