近半數的散仔警員都是毅進畢業，未知可是英語程度有限公司，執勤若遇上外籍人士時，簡直是笑料百出。昨網上瘋傳「毅進仔」講錯英語grammar的爆笑短片，片中見到前線警員在銅鑼灣拉起封鎖線時，因為漏了把一名外籍男劃入範圍內，有警員上前用英語「兇」外籍男，連「問」4次外籍男：「You are Hong Kong police?」警員又解釋不到為何要外籍男走入封鎖線，大家雞同鴨講，警員竟然叫外籍男轉channel「講中文」，圍觀者爆笑，最後警員索性用行動解決困局，自動幫外籍男拉起封鎖線，把對方圍進去。
網民對這條片大剝花生，連影帝黃秋生今日都在FB熱烈討論，他留言：「You are police? 文法固然不對。講中文啦，好！而家呼籲你哋，呢個係非法集會。連中文都狗屁不通。某種主張，公開要求大眾支持為呼籲。屎坑關刀，冇把利。經各位提點，後加，文又唔得武又唔得。」網民大讚秋生所言「文又唔得，武又唔得」講得好，秋生神回：「固然係，但係掉得落屎坑，利都變唔利喇！」有網民則說：「歇後語引用錯誤！屎坑關刀係文（聞）唔得，武（舞）又唔得。無張利係周身刀仔。」秋生解答：「利都唔掉落屎坑喇！」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
