雙面人 元祖邦民女梁寶琪

Beauty Hunt

雙面人　元祖邦民女梁寶琪

邦民財務出過 3個邦民女，除了已退隱的 Kama，還有仍在做 model的 Anjaylia和第一代邦民女梁寶琪（ Crystal），寶琪不認識 2位邦民女，雖然見報少，但網友原來對佢仍念念不忘。

去過台灣發展，今年 Crystal回流重新出發，成為王維基旗下香港電視的藝員，第一齣劇就演亦正亦邪雙槍大盜，飛甩曬邦民女形象。現實中， Crystal原來亦是真真正正的雙面人。

梁寶琪 07年成為邦民女後，曾經一度成宅男目標，但因性格低調冇乜新聞， 10年她由公司介紹赴台灣發展，拍過一些平面廣告和 TVC，工作了一年便有娛樂公司想簽她拍劇，「佢哋話係拍偶像劇，我好開心！但問我底線可以去到邊， Bikini得唔得？我覺得唔慣，知道媽咪會唔鍾意我行性感，而且好多人行性感都未必紅，除非係第一個囉。」

Crystal（右二）在 HKTV劇《警界線》中笠短假髮演雙槍女賊，同林嘉華（中）有很多對手戲，她說：「佢教我擺 pose，又教我分析角色，好好人！」

學跳 Table Dance

於是她回港繼續模特兒工作，去年在朋友介紹下加盟 HKTV， Crystal認為也是時候轉變，她說：「我想喺退出模特兒之前試多啲嘢，一直做開 MC，但未做過電視，拍劇好好玩，遲啲亦有機會做綜藝節目。」她早前已拍完《警界線》，在劇中她要演女飛賊，造型百變，每次出場都要戴不同的假髮、裝束，一反邦民女的斯文形象。

原來現實中的 Crystal嗜好都好大落差：「我學緊油畫，我鍾意畫抽象畫，鍾意人哋 feel到咩就咩，細個學過國畫，我好鍾意 design，希望第時開畫展㗎！」但她另一種嗜好則好 open，她笑住說：「我學緊 table dance，學咗年幾，因為啲動作好優美，通常着背心短褲咁跳，唔係外人諗得咁衰㗎！」幾時表演吓畀大家睇先？

profile

寶琪一次 casting就成功成為第一代邦民女，之後拍過位元堂等電視廣告和當雜誌模特兒。

姓名：梁寶琪 Crystal

年齡： 27

三圍： 32、 24、 33

身高： 160cm

喜愛歌星：蔡健雅

喜愛演員： Anne Hathaway、 Nicole Kidman、 Natalie Portman

採訪、撰文：何志衡

攝影：葉曉明　

形象： Bryan@the Flaming

服裝： snidel

化妝、髮型： Mak Tung

鍾意就快D Share啦！

下一篇 》