2013年10月24日 星期四

無綫揸盡鄭俊弘 鄭俊弘,M1,




扮差人

揸槍扮幹探嘅鄭俊弘,都係揸結他個樣順眼啲。

同你吟一吟

無綫揸盡鄭俊弘

高分王鄭俊弘响《星夢傳奇》成為雙料冠軍後,一向捧人慢半拍嘅無綫,聲稱已經有一籃子力捧計劃。咁辛苦攞到支金咪,鄭俊弘當然想公司盡快幫佢出碟圓歌手夢,不過公司唱片部一日未成立,鄭俊弘都係要做番老本行,即係拍劇。

早兩個禮拜無綫响佐敦南京街拍節目巡禮,新劇個名叫《天眼》,當日劇情講做警察嘅洪永城,帶住手下鄭俊弘成功破案,仲捉到幾個戴住面具嘅犯人,點知被一早埋伏响天台、飾演殺手嘅楊怡,開槍射死咗。



人氣急升,鄭俊弘開工有 fans嗌影合照。

飾演殺手嘅楊怡,响天台開槍射殺洪永城後,戴住對黑手套走人。

以前鄭俊弘拍劇只係做三打七,得《星夢》加持,有得拍節目巡禮,又有份做《梅艷芳.十年回憶音樂會》,轉過頭又話要飛意大利拍旅遊特輯,工作一單接一單,高分王變多 job王,淨係未知可以幾時出碟之嘛!

做旅遊

同「星夢幫」嘅羅鈞滿、何傲兒以及王君馨做完梅艷芳紀念特輯後,公司叫咗鄭俊弘去意大利拍旅遊特輯,第一站係威尼斯,唔知幾時先有機會出碟呢呵?

繼續唱



鍾意就快D Share啦!
Related Posts Plugin for WordPress, Blogger...