2014年1月7日 星期二

率數千港粉齊齊跳 鄭多燕2粒鐘袋百萬

video


馮仁昭四圍超:率數千港粉齊齊跳 鄭多燕2粒鐘袋百萬 - 馮仁昭

鄭多燕二粒鐘袋百萬 率千港粉一齊跳

現年47歲嘅亞洲塑身女王鄭多燕日前首度嚟香港出席活動,兩日輕鬆袋咗近70萬港元酬勞。稍後佢會再嚟香港舉行一場大型表演,率領全港燕粉一齊跳佢今年最新嘅FigureRobics健康塑身舞。今次搞手係盧敏儀(Money)老公孫敬安間馬天尼公司,日前鄭多燕嚟香港,孫敬安就同佢見面同簽約,聽聞今次開騷酬勞高達7位數字。



■亞洲塑身女王鄭多燕嚟緊會喺香港開騷,同幾千位燕粉一齊跳塑身舞。資料圖片

再嚟港掘金

馮仁昭噚日打畀孫敬安,對於鄭多燕實際酬勞有幾多,佢話唔方便透露,但承認達7位數,佢話:「呢個肯定啦!我哋呢個係兩小時嘅騷,我半年前已經去傾,早排佢嚟香港,我哋簽埋約,預計下半年度做,到時佢會喺大型場館同觀眾一齊跳,起碼有幾千人,同過往我搞嘅騷好唔同。」講到表演內容同嘉賓,佢話:「我哋啱啱簽約,好多嘢仲構思中,但一定會搵嘉賓嘅!佢最近同萬寧貓拍廣告,希望搵埋萬寧貓!」之前譚詠麟、李克勤同盧海鵬先後喺演唱會以及電影中學鄭多燕跳舞,如果到時鄭多燕開騷搵埋佢哋一齊跳,相信都好有噱頭!

撰文:馮仁昭



■鄭多燕日前喺香港同孫敬安(左)簽約,據聞酬金高達7位數。

足本收睇《亂噏24》x鄭秀文@杜琪峯; 再有卓韻芝!

周一至周五《亂噏24》約定你:http://bit.ly/appletalk24



鍾意就快D Share啦!