薛凱琪陪仔歐遊情人節1 on 1
「圈中盛女」薛凱琪（Fiona）男伴兜兜轉，更被揭早前與「翻版洪永城」lawt於情人節把臂歐遊，1 on 1獨對！
大個女的Fiona近年愈來愈有女人味，不乏狂蜂浪蝶埋身！
身在歐洲的Fiona，近日被網民發現與網名lawt、貌似洪永城的男伴在德國柏林遊玩，懷疑兩人秘密拍拖，lawt的Instagram更有不少兩人合照，Fiona更與父親為他慶祝生日，關係親密！據知，忙爆的Fiona難得有個短假期，相約lawt及湯駿業歐遊，豈料湯駿業因舞台劇臨時甩底，造就Fiona與「翻版洪永城」二人世界，而lawt從事幕後剪片，曾跟不少藝人合作。
Fiona坦言對方是相識了十幾年的同學，她笑說：「聽到啲人以為我哋拍拖，我哋兩個想笑死，有粉絲都猜測佢係咪我男友，我絕對唔係同佢拍拖，亦冇可能拍拖。」她還踢爆對方名草有主，亦絕非她那杯茶：「佢唔想我做佢女朋友，我都唔想佢做我男朋友，大家望住對方就好似兄弟、姊妹！」強調自己單身的Fiona笑言在情人節離開香港是好事，亦明白大家關心其感情狀況：「呢啲冇得加油，等天父安排，我相信時間一對就會出現！」她又透露在歐洲參觀了很多美術館，也欣賞了很多街頭藝術，並會順道為歌曲MV拍攝花絮，為其後執導的MV取靈感。
湯駿業不忿被搶
曾與Fiona傳緋聞的湯駿業形容老友與lawt的緋聞是笑話，他笑說：「以我同Fiona嘅親密關係，佢兩個如果真係拍拖，我切乜都得！我絕對唔信，早知我又去，再同佢傳緋聞宣傳嚇個音樂劇。」Fiona老友鄭融坦言也認識lawt，但不相信兩人拍拖。
大個女的Fiona近年愈來愈有女人味，不乏狂蜂浪蝶埋身！
|
鍾意就快D Share啦！
|
|
|
