【韓流】「千頌伊」全智賢 保鮮14年
2014-03-17 08:20:00
「千頌伊」熱潮繼續吹，近日全智賢多張喺14年前演出電視節目《g.o.d的育兒日記》嘅相片，再次喺網上熱傳，據知當時全智賢因為同組合g.o.d同屬一間事務所，所以佢先驚喜現身節目幫手湊B。
網友指現年32歲嘅全智賢好似打咗防腐劑咁，依家個樣仲靚過以前呀。
此外，全智賢早排拍攝嘅雪櫃新廣告曝光，佢喺廣告入面以人妻身份出場，走落菜田摘白菜不特止，之後仲喺廚房玩洗洗切切醃製泡菜，仲試食到lam lam脷㖭！
全智賢14年前的照片，於網上再度瘋傳（左圖）；右圖則為全智賢新廣告片段曝光。
