杜汶澤自爆曾整容吸毒
杜汶澤為拍電影《3D豪情》操弗體態，外間總把焦點放在其雞扒肌上，其實笑容都出賣了他整容的秘密，阿澤直認不諱：「我係整過容，我整棚牙，09年入英皇，Mani（霍汶希）要求我三件事，第一唔可以吸毒，第二要整牙，第三係唔准『小』佢。頭兩樣嘢我真係做到，第三樣，我有時失控都做唔到。」
阿澤自爆當年入英皇時銀行戶口僅餘30萬，思前想後仍豪花18萬整牙套，讓上下牙齒出鏡又白又齊，問到為何公司沒叫他搞靚五官？阿澤自嘲：「Mani嫌我啲煙跡，套咗牙套美觀咗，多咗廣告。我做諧星，所以五官唔使整。」他自爆曾遭堪輿家蘇民峰指其牙齒反映他易說話得罪人，他說：「𠵱家整靚咗，亦唔見好得好多，口多心地唔好，講嘢令人難堪，相反就係見義勇為，可以幫人出口氣。」難怪他這樣敢言。
■阿澤早年牙齒不整齊（下圖），後來花18萬整牙套靚曬。
對於Mani下旨不准吸毒，阿澤說：「我係有試過，當年貪玩，迷失又被動，試咗仲上埋癮，令當時拍緊拖嘅田蕊妮好心痛，佢話我唔戒就要離開，最終我梗係揀咗個老婆，仲憑意志搣甩。」
|
鍾意就快D Share啦！
|
|
|
