【彭順偷食】李心潔信伊斯蘭教 接受一夫多妻？
2014-05-31 20:19:00
之前有報道話心潔因為成長環境，受回教思想影響接受一夫多妻，故才願意原諒彭順。
彭順背住老婆偷嗒李悅彤（Liddy），搞到喺大馬嘅李心潔傷心欲絶，連日嚟都茶飯不思，仲激到胃痛要睇醫生，彭順能夠做嘅就係貼身照顧老婆，加上發道歉聲明公開向老婆講「對不起」，0依家暫時避過離婚一劫。
有報道指知情者透露「李心潔很愛彭順，上一次(偷情)已經沒追究，還走出來挺他，身邊朋友都覺得她今次會原諒彭順，只是時間問題，更何況李心潔在馬來西亞長大，這裡的穆斯林(伊斯蘭教徒)接受一夫多妻制，所以她可以容忍。」結果傳下傳下，就變成咗係話李心潔係伊斯蘭教徒，故接受一夫多妻制。乜爭咁遠咁呀？
不過，據大馬傳媒報道，李心潔曾經多次接受唔同嘅公開訪問，佢表示外婆係一位虔誠嘅佛教徒，細細個就跟住外婆到廟裡拜神，好熟識佛陀故事；07年拍電影《戰‧鼓》嘅時候，李心潔對佛教產生咗興趣。08年進行咗一連7日嘅襌修活動，當時李心潔透露襌修令佢好平靜，之後仲參加過有關佛教活動。
曾經有記者問李心潔點解選擇去印度襌修﹖當時佢答：「旅行是我生命中很重要的旅程，我相信在旅途中有很多的學習跟成長。印度也是我嚮往的地方，因為我自己是一個佛教徒，我很喜歡印度的色彩，我自己喜歡畫畫。」所以，嗰個「知情者」指李心潔係伊斯蘭教徒嘅說法係錯。
|
鍾意就快D Share啦！
|
|
|
