【短片】【凌晨爆大鑊】執導新片撞到正 鄭中基寸爆無綫：抄到咁足
2014-08-09 02:48:00
鄭中基一直有意拍攝一部以張保仔為題材的電影，構思了大半年，去年底便與陳嘉上聯合執導電影《神秘寶藏》（前名《張保仔》），該片斥資8千萬，卡士有鄭中基、黃子華和陳法拉等。
《神》片去年已開工，並在長洲取景。據知《神》片的演員部份已拍好，現正進行特技後期工作。怎料近年經常被指抄襲的無綫，最近也宣佈開拍劇集《張保仔》，聲稱計劃也到長洲外景，無論題材和穿越時內容也如此雷同，難怪鄭中基今日也忍不住在微博貼了有關報道，寸爆無綫：「抄到咁足？使唔使呀？諗唔到嘢拍嗱？」
在《神》片中黃子華扮傳奇風雲海盜張保仔，鄭中基也是船長，他們結伴冒險往尋寶，電影公司特別打造了一艘全長50米、寬20米和高40米的仿古神樓船做船隊主艦，這艘船還是至今電影中最長、體積最大具備完整實體的仿古道具船，並已經申報為世界紀錄，挑機「全世界最大的仿古道具船」。
正當《神》片進行得如火如荼，大台監製梁材遠近日公佈下月開拍劇集《張保仔》，由陳展鵬和黃浩然孭飛，陳展鵬還會剃頭上陣，無巧不成話，他們亦會在長洲的張保仔洞實景拍攝，稍後再到內地無錫和橫店開工。電影和電視甚少題材撞到正，鄭中基有先見之明去年已選拍張保仔，但正所謂瘦田無人耕，耕開有人爭的情況，無綫忽然決定開拍同一題材劇集，難怪不少觀眾都批評近年劇集創意低，網友甚至揶揄套套膠劇。就此事欲聯絡鄭中基，但截稿前未獲回覆。
鄭中基做導演拍張保仔嘅故事，點知無綫抄橋，唔嬲就假。
鄭中基同囡囡開心合照
呢架船係劇組特登去訂造，大台就應該唔會咁落本啦。
|
鍾意就快D Share啦！
|
|
|
