【前歌手家暴】周啟生個姪愛上翻版Sammi 麻煩多多曾涉藏毒
2014-08-30 00:20:00
周啟生個姪愛上翻版Sammi，兩個經歷7年愛情長跑，婚後育有兩女，兩人亦是虔誠教徒。
32歲、有「小Sammi」之稱嘅趙頌茹(阿Yu)，曾參加「 Elite Model Look」比賽，並得到季軍，之後被唱片公司發掘簽約英皇，不過有指佢工作態度欠佳，拖垮事業。
阿Yu同周啟生個姪、歌手周永恆(Roy)喺2010年1月28日結束6年愛情長跑，兩人同屬教徒，於教會註冊結婚。當時教友同圈內好友，好似關心妍、高皓正、張致恆、徐天佑、裕美、梁雨恩等，均有到場觀禮。Roy仲自彈自唱《Wonderful Tonight》送給太太，令其泣不成聲。
兩人當年奉子成婚，但行禮時Roy未有透露，只係話：「我哋拍拖6年幾，到上年11月弟兄高皓正問我有冇婚前性行為，有冇犯十誡，我當時即刻停止咗，為咗咁就好倉卒咁結婚，亦都係因為相愛咁多年，係時候結婚，我哋父母都好驚訝，以為有咗，其實唔係。」及後終承認奉子成婚。
貌似鄭秀文嘅阿Yu，當年被唱片公司發掘，邀請試音，簽約紅音樂唱片，成為公司第一位力捧的新人，02年推出處女大碟，不過一直未能彈出，趙頌茹之後退出娛樂圈，先轉戰為時裝記者，其後再轉為形象及設計顧問。
阿Yu任職Amusic為歌手設計形象，及後遭開刀裁員。當時周永恆出面護妻，更有指佢主動致電 Amusic高層王凱文講數。對此周亦直認不諱：「我老婆有咗BB，佢哋唔炒得佢！」但亦有傳當時阿Yu工作態度欠佳所致。
周永恆01年由周啟生介紹入行做歌手，曾同盧巧音推出過合唱歌《深愛著你》。不過，周永恆性格反叛，04年，周永恆被控藏毒罪，寓所藏有二十粒「五仔」軟性毒品，判處接受18個月的感化令，及後退出娛樂圈。同年11月，周永恆飲醉酒又於街頭毀壞公物，被警方調查。
04年周永恆涉藏毒被控，判處接受18個月的感化令。
|
鍾意就快D Share啦！
|
|
|
