馮仁昭四圍超：呂慧儀誕8.8磅肥蟹籽
噚日中秋節唔單止人月兩團圓，而且娛圈仲有喜事公佈，就係長腳蟹呂慧儀同老公黃文迪嘅蟹籽，原來已經喺大半個月前出咗世。呂慧儀噚日喺微博代B發言，宣佈話：「哈囉！我是珍寶蟹籽，出世重8.888磅，很好意頭哩！不過辛苦媽媽了，已經臥床休息大半個月，現在才精神一點可以幫我拍些照片。雖然我手長腳長撐得媽媽很痛，媽媽也元氣大傷，但看我現在健健康康媽媽就很滿足了！媽媽休息的時間，我先跟爸爸去賞月，祝大家中秋節快樂，人月兩團圓。」
■呂慧儀趁噚日中秋節喺微博宣佈蟹籽已經喺大半個月前出世，重8.8磅。微博圖片
噚日馮仁昭打畀黃文迪，佢話BB上個月14號出世，當日係順產，由於老婆生完後要照顧BB，兩公婆忙到噚日先公佈，其間呂慧儀就插嘴話：「所以生完咪冇咗半條人命囉！」黃文迪又話：「老婆餵人奶，一日食成6至8餐，暫時BB改咗英文名叫Anton。」
撰文：馮仁昭
呂慧儀、黃文迪
|
鍾意就快D Share啦！
|
|
|
