爆粗爆鎖 遭有線踢出局 十蚊港女Hannah喪藐早洩男
【港女爭萬金之語出驚人】為贏十萬蚊，港女可以去到幾盡？有線節目《十萬蚊港女大翻身》，由十二位80後港女透過體能測試、競技遊戲、生活考驗等爭奪十萬港元獎金。參賽者之一的「十蚊港女」Hannah（溫芍遙）在比賽期間爆鎖而被踢出局，她日前接受專訪唔認被foul，不過承認爆鎖、爆粗及整容，更語出驚人表示：「最難接受男友早洩，同埋嗰度細囉！」
撰文：魯吉
有線近日推出《十萬蚊港女大翻身》真人騷，去年嫌收十蚊利是少、詛咒人下世做十蚊紙的「十蚊港女」Hannah（溫芍遙）也是參賽者之一。經過第一輪淘汰後，日前九位晉級港女到荔枝角青年宿舍作三日兩夜生活體驗，有線要求參賽者交出手機，並放入一個上鎖的locker，希望港女在一個沒有網絡的環境下生活。豈料Hannah不甘手機被收，深夜爆鎖取回手機，有線遂決定取消其參賽資格。
■「十蚊港女」Hannah日前接受專訪，揚言後悔詛咒派十蚊利是的人。攝影：陳慧安
■入camp期間，Hannah（右二）不忿被沒收手機。電視圖片
■Hannah舉起手指，表示接受唔到男友「小鳥」。電視圖片
「屎夠食得啦」
入camp期間，Hannah曾不滿有線安排的早餐而大發脾氣，鬧爆穀麥片難食：「唔係食唔食得問題，係我想唔想食呀！」甚至發火拍枱爆粗，港女性格表露無遺：「屎夠食得啦，咁你食唔食啫。冇得解，因為真係好X難食。我有權喺呢度選擇食乜X嘢都唔得！成班都戇X㗎！」
日前記者找來Hannah受訪，她承認爆鎖、爆粗及整容，但唔認被有線踢出局，她說：「因為我真係要走，拍唔到落去！」Hannah表示考進了加拿大名校Simon Fraser攻讀大學，受訪當晚她便飛往溫哥華開學。原來Hannah和不少港女一樣，手機是命根，被沒收手機即發狂，她說：「會癲，真係躁呀！收人手機猶如殺人父母！我覺得成個人安全感就係喺手機度，上網、WhatsApp、聽歌係必須，冇咗部電話好似脫咗節。」可會覺爆鎖行為不對？Hannah竟說：「我又冇覺得唔啱喎，收人電話我覺得好有問題，𠵱家又唔係小學生，又唔係讀緊書，點解要收電話呢？你叫我做個效果出嚟話要收電話，我冇乜所謂，但你唔好真係認真去收咗我電話囉！」
「整容我都有」
現年22歲的Hannah是家中獨女，自認有公主病的她原來最難接受的，不是男友不夠細心體貼或無錢，而是早洩，她語出驚人說：「我最接受唔到人早洩，同埋嗰度細囉。」有否試過？Hannah笑說：「梗係有之後咪冇再搵囉。」
鏡頭前，Hannah一直保持儀態，但事實上，她的粗口絕對拍得住盧海鵬。對於講粗口，她認為是個人習慣，不覺得是一回事，她說：「睇吓乜嘢場合啦，冇乜需要畀面人唔講，可能遲啲個人需要虛偽啲咁咪收吓囉。」
在有線官網中，指Hannah想贏十萬獎金隆胸，但當日Hannah卻否認：「我想話攞嚟投資，但佢哋（有線）唔畀我咁樣講，話要講啲特別啲。隆胸我唔夠膽做，但整容我都有，我執過下巴、鼻、眼。人係精益求精，見到啲friend整，我又好想試。」原來Hannah整容花費全是父母資助，對於整容後貌似何超蓮，Hannah聲稱純粹巧合。
■Hannah強調冇畀有線踢走，而是自己要走。
|
鍾意就快D Share啦！
|
|
|
