【慘慘豬】妍希BB為扮小龍女 四個月只食白烚菜
2014-12-14 11:33:00
最近一套強國版《神雕俠侶》，因為起用陳妍希做小龍女，一直以來都劣評如潮，妍希BB嘅包包面同小龍女嘅形象完全相反，加埋個造型，最近仲俾網民嘲笑佢個髮型係一個小籠包插住兩隻雞髀，認真慘情。
最近妍希BB就接受內地傳媒訪問，問佢其實自己有冇諗過唔適合小龍女呢個角色，佢話:「開始我也掙扎過，也像大家一樣，對小龍女有一個既定的印象，所以我特別明白大家的糾結。」由套劇開拍一刻，妍希BB小龍女嘅形象就俾網民由頭笑到落尾，其實妍希BB為咗演好小龍女呢個角色，都做咗好多嘢:「因為我是很容易水腫的體質，臉就會顯得很胖，我當時也想盡一切辦法去克服了。早晨起來跑步，拍攝空閒時就做力量訓練，四個月裏只吃白水煮的蔬菜當食物，因為沒有鹽分就不容易水腫。至於被大家質疑，我不覺得委屈，就算叫我『小籠包』我也不會介意，我覺得還挺可愛的。人生要美好，必須得幽默。」
難得妍希BB仲咁識諗，不過網民嘅惡搞就冇停過，有人話妍希似小籠包係造型嘅問題，不過有網民就將妍希個頭KEY落李若彤版小龍女，同將李若彤個頭KEY落妍希版嘅「小籠包」身上，又真係....李若彤贏晒...
李若彤造型換成妍希BB係咁嘅...
另一個樣
妍希BB造型換成李若彤呢....都冇問題喎...
網友話妍希BB個Look似支兩隻雞髀插頭。
劉亦菲嘅小龍女亦大獲好評
|
鍾意就快D Share啦！
|
|
|
