掃呢頁CODE去手機

2015年3月21日 星期六

網民熱話:碧咸決戰奇洛李維斯 碧咸,



碧咸同奇洛李維斯都係出晒名嘅男神,兩個都咁好,有得畀你揀都覺得頭痛。

next 1/1 pre

碧咸足球員出身,之後人氣就一直只升不跌,年紀愈大男人味就愈出。

next 1/1 pre

碧咸嚟香港同李玟老公Bruce傾生意喺市區出現,仲引發一場捕獲野生碧咸熱。

next 1/1 pre

碧咸三個仔有完美遺傳,個個都咁靚仔。

next 1/1 pre

碧咸嗰囡囡「哈七」肥嘟嘟超級可愛。

next 1/1 pre

碧咸多面睇。

next 1/1 pre

奇洛李維斯一向不修邊幅滿面鬍鬚,加上悲劇一樣嘅過去,隔住個MON都感受到滄桑嘅味道。

next 1/1 pre

就算剃咗鬚齋坐係度都一樣有陣好孤寂嘅感覺。

next 1/1 pre

其實奇洛李維斯執番整齊都真係幾青靚白淨。

next 1/1 pre

型仔男模Lucky Blue Smith唔笑超靚仔,不過一笑就………

next 1/1 pre

人總係唔會有完美嘅,就連男神都一樣,好似外國型仔男模Lucky Blue Smith咁,雖然佢一露齒笑會嚇親人,不過依家無減佢嘅男神魅力,同樣被公認為男神嘅,仲有「萬人迷」球星碧咸同荷里活型男巨星奇洛李維斯(Keanu Reeves),有網民仲係討論區將兩大男神做對決,雖然網民都大讚碧咸靚仔過奇洛,不過奇洛亦比碧咸多份成熟滄桑感,好難分出高下!

現年39歲、身高1米83嘅球壇巨星碧咸有型踢波勁就無人不曉嘅,就算佢收山冇再踢波,但曝光率同人氣依然keep住高,早前佢嚟香港同李玟老公Bruce傾生意喺市區出現,亦引發一場捕獲野生碧咸熱,更令人羨慕嘅係有樣有名氣嘅佢仲有一個幸福美滿家庭,同老婆Victoria Beckham人前人後都表現恩愛,佢仲育有三子一女,大仔Brooklyn子承父業進軍足球界發展,二仔Romeo又為著名品牌做過童裝模特兒,細女Harper Seven生得肥嘟嘟又可愛,網民都大呼呢位男神有型靚仔之外,仲冇乜可以被人挑剔嘅地方,不過亦有人話佢近年個樣老得快,年紀大個佢嘅奇洛依家望落仲後生過佢。

而現年50歲嘅奇洛雖然比碧咸仲高3CM,不過論樣嘅話就唔夠碧咸揮,但係網民一諗起奇洛嘅悲慘身世同個性,就覺得碧咸比佢少咗滄桑感,細個就經歷父母離異嘅奇洛爸爸因為販毒而入獄,妹妹又曾經患過血癌,更悲慘嘅係佢嘅前女友Jennifer Syme曾經為奇洛懷有女兒,最後不幸流產,而Jennifer更喺2001年因車禍去世,面對多重打撃嘅奇洛仲成日比人影到以不修邊幅嘅造型喺街頭流浪,不過網民就係鍾意佢歷盡滄桑嘅感覺!

網民有話兒

史XXX :真係好難揀 兩個都咁型

添XX :講樣,碧咸真係無得輸,但奇洛李維斯走冷酷不羈路線又好屈機,我揀奇洛李維斯。

複製XX :我相信依2位已經係終極boss級人物,喺對決之中最難分勝負。

允SXXX :我肯定如果我見到佢地真人一定會面紅。

真.XXX欣 :碧咸啦,型格D,不過佢呢幾年衰老得好快,奇洛其實大佢十年但個樣仲後生過佢。

窒XX :樣就碧咸,但氣質同人生觀就keanu。

鍾意就快D Share啦!