溫家偉冧抱吳若希 叫蔡思貝縮手
近日合作無綫劇《衝線》的吳若希、「大隻仔」溫家偉（Alan）、蔡思貝及羅仲謙傳戲假情真，鬧出緋聞！其中「緋聞女王」吳若希與「發電廠」蔡思貝昨日在宣傳活動上，公然為Alan爭風呷醋，Alan抱實Jinny更喝令思貝縮手，令思貝眼火爆！他又在微博狂晒與Jinny合照，擺明冧Jinny更多！
溫家偉與蔡思貝霸得靚位抱起吳若希，不過溫家偉卻叫蔡思貝縮手！（設計對白）
吳若希在台上唱歌時，溫家偉飛撲上前握手以示支持。
溫家偉「獨霸」吳若希，愈抱愈高！
溫家偉（右起）、蔡思貝及吳若希來個緋聞大雜燴，有講有笑！
羅仲謙（左）與沈震軒玩遊戲，大人大姐照坐小型單車。
無綫熱播劇《衝線》兼「緋聞大亂鬥」的主角溫家偉（Alan）、吳若希（Jinny）、蔡思貝及羅仲謙昨日出席宣傳活動，有見早前傳緋聞的思貝與謙仔碰面未有尷尬，還大方合照，焦點遂落在「發電廠」思貝與「緋聞女王」Jinny的大鬥法，兩女公然爭仔，劇中互片爭羅仲謙，原來現實中都為大隻仔Alan爭風呷醋！
我要帶佢返屋企！
眾演員在現場玩遊戲，玩到興起時更趁Jinny唱完歌，把她當成球一樣起勢拋來拋去，Alan即Man爆充當護花使者，捧住Jinny捨不得放手，更叫另一緋聞女友思貝縮手，高呼：「我要帶佢返屋企！」擺到明對Jinny嗒晒糖，思貝見狀即面露愕然，醋意大發酸溜溜地走開，避免望到「銀」眼事！難怪謙仔都對Alan開玩笑：「佢遲早係你女友！」
其實Alan對Jinny的「愛意」早已有迹可尋，連日來在微博不停上傳女方相片，愛到出晒面，更直呼Jinny做「BB」！前日他上傳劇照，照片僅欠Jinny一人，Alan即為「BB」發揮高超P圖技術，把她完美P在照片中，為Fans預告昨日之宣傳活動。他又上傳輕撫Jinny面珠的親密劇照，更留言：「藍藍bb don't cry, you have me！」更在白色情人節當日大晒與「BB」面貼面Sweet爆合照，自言兩人是「Truelove」，可見他明冧Jinny，加上活動現場對女方的體貼入微，簡直當思貝冇到，暗示「我的心裏只有她沒有你」，看來今次Jinny守得雲開見月明！
話唔埋會發展
Alan昨日在電話中回應「大膽公主抱」時說：「唔擔心尷尬，我哋本身好Close玩得好埋！」鬼仔性格的他直言不會「諗太多」：「成班人一齊玩最緊要Happy！我唔驚畀人話抽水，如果同Jinny唔熟就唔會咁做」他又大讚Jinny是好女仔：「我哋好傾得埋！（考慮發展？）話唔埋！」早前面對與思貝的緋聞時態度強硬的他，今次選擇不置可否有所保留，兩人關係認真撲朔迷離！他說：「同思貝係姊妹，一定唔會一齊！其他人就唔知！」問到為何叫對方「BB」時，他揚言冇叫其他人「BB」：「我平時都咁叫佢，唔係博宣傳呀！」自知「講錯嘢」的他即驚青縮沙：「唔係！我見到心穎同Ali都叫BB！」可謂前言不對後語！
溫家偉與蔡思貝霸得靚位抱起吳若希，不過溫家偉卻叫蔡思貝縮手！（設計對白）
吳若希在台上唱歌時，溫家偉飛撲上前握手以示支持。
溫家偉「獨霸」吳若希，愈抱愈高！
溫家偉（右起）、蔡思貝及吳若希來個緋聞大雜燴，有講有笑！
羅仲謙（左）與沈震軒玩遊戲，大人大姐照坐小型單車。
|
鍾意就快D Share啦！
|
|
|
