人紅是非多，最近憑住港視劇《導火新聞線》人氣急升嘅周家怡，啱啱就被爆同好姊妹佘詩曼疏遠咗，搞乜鬼？
有傳舊年阿佘同周家怡喺新加坡夜蒲嗰陣，識咗個當地嘅金融才俊，好快阿佘就同才俊就開始曖曖昧昧。近排才俊嚟香港，阿佘因為太忙，所以就搵周家怡幫手招呼佢。點知有次三人行食飯，阿佘發現周家怡望住才俊嘅眼神怪怪哋，之後才俊返新加坡就冇再搵阿佘了。
據知除咗感情，呢對舊日好姊妹工作上都有積怨。有次有公關公司想請周家怡同阿佘拍住出活動，但係最後傾唔掂阿佘個價，周家怡就認定係阿佘令佢冇咗個job。另外又有次訪問，阿佘又拍搶風頭，唔肯同周家怡一齊做，周家怡又覺得阿佘唔幫佢。唉，一場好姊妹又何必呢？
