潛水多時嘅Leon回歸現真身，返回觀塘嘅公司工作。
天王黎明（Leon）近日人氣高企，早前舉行的4D演唱會更成為全城熱話，不過Leon自從演唱會後一直玩潛水，只僅以「明福俠」身份，於社交網上載片段慰粉絲。昨日傍晚時分，他便再次化身「明福俠」，宣布將會推出演唱會Blu-ray（藍光碟），十日內集齊一萬人選擇購買便會開賣藍光碟，結果只是五個多小時，訂單已極速過萬成功開團。
發現記者即天然呆
而潛水多時的Leon終於「出水」，潛水後回歸現真身的他，以一身簡約打扮，穿上灰色tee及黑褲，於下午約一時由司機接載下前往觀塘的公司，及至晚上約八時才離開。Leon甫見記者在場初時一臉驚訝「天然呆」，當被問及藍光碟反應熱烈掀搶購潮，Leon忍不住偷笑後才極速上車走人。
經典劇深宵重播
此外，無綫有見黎明近期成為熱爆人物，即於深宵時段重播他和周海媚的舊作《回到未嫁時》，此劇當年收視高企，有指Leon與周海媚拍攝時日夕相對擦出愛火。對於藍光碟反應熱烈，Leon透過經理人王先生回應：「當然開心啦，多謝大家支持。（Leon套《回到未嫁時》重播？）我唔知喎。」
來源 source: http://hk.on.cc
|
鍾意就快D Share啦！
|
|
|
