早年跟天王黎明（Leon）拍過廣告的35歲混血模特兒Lee Ann（李鞍）出席瑞士天梭表（Tissot）活動，操一口流利英文的她，亮相時以廣東話「大家好」來跟大家打招呼，當司儀問到為何在10多年前突然退出模界，她搞笑地拋出當年令人深刻的廣告對白：「我係咪好任性？我係咪好任性？」續表示當年有讀心理學的目標，並高興謂目標已達成，她指現時學功夫及考黑帶是自己的新挑戰，其後她即席大展運動底子。
已為兩女之母
Lee Ann表示已15年沒有回港，今次會留一星期：「之後或者都會返嚟做嘢。（你係咪成日做運動？）我唔係成日做運動，最重要係身心平衡。（係咪做瑜伽？）唔得，瑜伽對我嚟講係太柔弱嘅運動，我會打功夫，跆拳道打咗2年，蔡李佛就係初學者，我老公都好鍾意跑步，我哋係做好多運動嘅情侶。」她續表示兩位囡囡分別是6歲及4歲：「佢哋好調皮、好得意，不過今次冇同我一齊返嚟，因為佢哋要返學，依家由祖父母照顧緊。」又謂暑假都想帶她們回港，因為她們都有亞洲人的血統，問會否帶她們回港作為基地？她說：「我都想，但依家暫時唔可行，或者睇吓將來。」
拒透露出騷價
談及是次返港會否找黎明，Lee Ann笑言沒有對方的電話：「所以今次唔會見啦，但我知佢係大家嘅天王。（有冇電影公司或工作向你招手？）暫時冇，今日係我第一日做嘢。（會唔會想重回影壇？）冇所謂，點解唔可以。」問到是此活動酬勞是否接近50萬港元？她只表示不錯，其後以拉鏈手勢說：「我唔知，要問我經理人。（拍戲會唔會加碼？）呢個係我經理人嘅工作，我只係會專注自己嘅幕前工作，呢樣要問番經理人。」又透露想學廣東話，但要給自己一點時間。
讚香港係Perfect City
Lee Ann其後透露昨日到了山頂，但因今天要工作的關係，暫時未食到點心，問到有否覺得山頂與10多年前有何不同？她說：「比15年前更加靚，以前太年輕，唔識欣賞美麗風景。」又大讚香港是一個Perfect City！
|
鍾意就快D Share啦！
|
|
|
