李嘉欣（圖左）今日凌晨偕丈夫許晉亨及兒子（圖右）返抵香港。
藝人李嘉欣今凌晨3時許偕丈夫及兒子返抵香港，她步出機場時一臉倦容及聲沙沙的接受訪問，表示「好開心可以返香港，喺嗰邊留咗四日，都有諗其他方法離開，但係未知可唔可行，一直都好樂觀覺得上到機可以返香港，點知就等咗四日。」
被問到最不滿的安排不當時，她表示，是去到第三日半夜都完全冇通知航班安排。她說，就算想在機場瞓都無位瞓，水同食物都好緊張。她說：「我冇乜胃口冇食嘢，加上有好多菌所以我病咗。其實BB先至係最慘，佢哋不停咁喊，機場人手唔夠好混亂。」
問到航空公司是否有交代為何天氣好轉都不能飛時，李嘉欣表示，好多時未到最後一分鐘都不知。安排住宿方面，第一日有，之後想再住已經唔得，一直在機場等，每日都以為天氣轉好會有得飛。今次滯留會否影響她對札幌印象？李嘉欣笑言，今次大風雪是50年一遇，不會因而怕了當地。
李嘉欣先前曾對國泰安排開火，指其他航空公司乘客幾乎已獲安排，只得國泰客無了期等待。「國泰唔止飛唔到，要乘客無了期咁等，仲要大家跟住排隊排好多個鐘先通知冇得飛，好多人鼓譟，國泰仲冇提供食宿安排，全部要乘客自己搞，覺得自己好似難民，國泰真係好多失當地方。」
來源 source: http://hk.on.cc
|
鍾意就快D Share啦！
|
|
|
