2017年8月26日 星期六

【獨家】同Mandy Lieu離英外遊 洗米華攬腰微微笑 __,洗米華,Mandy Lieu,Mandy,劉碧麗,周焯華,

由太陽娛樂老闆洗米華(周焯華)、正印Heidi(陳慧玲)再加埋小三MandyLieu呢個組合,一度比當紅小生花旦嘅曝光率仲高,仲有唔少男士咗洗米華係偶 ...


由太陽娛樂老闆洗米華(周焯華)、正印Heidi(陳慧玲)再加埋小三Mandy Lieu呢個組合,一度比當紅小生花旦嘅曝光率仲高,仲有唔少男士咗洗米華係偶像添!但正所謂一山不能藏二虎,因為洗米華同Mandy Lieu喺世紀一拖之後,Heidi終於忍唔住爆煲,決意同洗米華離婚!

但係女人總係心軟嘅動物,已經分居咗一段時間嘅,喺洗米華挽留下心軟,除咗Mandy Lieu被安排留喺英國居住外,洗米華仲當眾承諾話「我只得一個周太!」冧Heidi,《蘋果》喺今年6月收到風,洗米華喺澳門斥資逾3億送咗間豪宅俾洗米嫂,喺明年同洗米華一齊搬入去住!

直到最近因為洗米華同日模松岡李那喺台灣女星安以軒嘅婚禮上攬實跳舞,結果呢段三人行變咗四角關係,Mandy仲咗呢件事大動肝火,有傳佢WhatsApp鬧爆松岡!(新聞連結:http://bit.ly/2sxv2oj)究竟有冇鬧爆,真係得佢哋先知,不過肯定嘅係,洗米華多咗時間去英國。

近日洗米華經常喺英國俾人捕獲同Mandy拖住手仔,食飯撐枱腳,又或者行Nike專門店shopping,有讀者仲話見到Mandy肚凸凸,好似又有咗,唔知呢場會唔合係前哨戰,因為Heidi嘅大女將會去英國讀書,o依家歐遊完再去英國陪入學,而新歡松岡又話會去英國睇時裝騷,大家都等緊睇佢哋喺英國碰頭!

噚日有《蘋果》讀者Sam透過「爆相爆片」,喺英國時間朝早7點幾,喺倫敦希斯路機場見到洗米華同Mandy Lieu,佢哋喺機場辦離境手續,一齊出發去旅行,佢話:「我眼見得佢哋兩個,我唔知佢哋嘅目的地,但係佢哋嗰邊啲機是去歐洲其他地方,佢哋兩個全程有講有笑,洗米華仲有攬住mandy條腰!」

上次有讀者話見到Mandy肚凸凸,即刻又惹嚟大肚疑雲,唔知今次讀者又有冇見到呢?佢就話:「其實初初見佢著住窄身衫運動褲,好瘦唔覺似大肚,到佢哋過海關嘅時候,我睇到mandy脫了外套,着住件黑色背心,睇得好清楚個肚冇突,仲好fit!」佢仲話平時睇報紙見到洗米華個樣好cool,但係今次見佢成日微微笑,同平時見佢啲新聞唔係好同。

(讀者提供圖片) 好有默契喎!(讀者提供圖片) (讀者提供圖片)
唔知今次佢哋又去邊呢?(讀者提供圖片) 就係呢個世紀一拖,搞到Heidi話離婚! 遲啲洗米華會同洗米嫂送女入學。(資料圖片)
因為呢一攬,洗米華同松岡又扯上關係!

鍾意就快D Share啦!
Related Posts Plugin for WordPress, Blogger...