咁樣答嘅？
藝人吳千語與林峯分手後首次公開會見傳媒，出席MAX&Co.「MAX IT UP」2018春夏系列時裝展的千語以一身花裙示人，雖然受情傷，但明顯圓潤了。
問到分手後心情如何？千語坦言都過了一段時間，心情OK，多謝大家關心，又謂：「最近有少少假期休息吓，上年不停工作，屋企都冇返到，嚟緊都有好多工作，包括拍劇、綜藝節目、網絡電影。」她又承認之前與林峯有共識由對方公開二人分手一事，但現時不想說太多，驚講多錯多。問到分手是否牽涉第三者？她說：「兩個人之間嘅事，人要向前看，依家自己希望專注工作，唔想諗感情事。」再問到她認不認識林峯新歡張馨月？她表示沒有見過，亦不認識，但都有看報道，別人的事不回應。說到她亦有富二代新歡時，她又指現時與男性朋友出街時都特別避忌，覺得現時單身生活唔錯，並透露自己沒有男仔追，笑言：「不嬲都冇乜人追我，想做嘢先，依家係好好嘅工作狀態。」
千語指之前於大陸拍劇五個多月，問是否聚少離多令二人分手，她謂：「總之過咗去（分手同林峯家人有否關係？）唔關！係兩個人嘅事。（家人擔心？）冇！自己唔使工作都會陪朋友去旅行，都冇乜大變化。」說到林峯宣布二人分手當日，她去了看周杰倫演唱會，二人隔空對唱，被指憑歌寄意，她解釋謂：「唔係，首歌唔係我揀，係我後面女仔大嗌呢首歌，周杰倫嘅歌全部都係情歌，冇特別意思，我係佢fans！（同林峯仲係好朋友？）嗯...係！」這樣答令現場傳媒感奇怪時，她即連聲答「係！」
----------------------------
東網巨星開咗ig喇，大家快啲follow
https://goo.gl/KGuo2N
來源 source: http://hk.on.cc
|
鍾意就快D Share啦！
|
|
|
