球場被叫停
《那些我愛過的人》的蘇皓兒(Chloe)，今年26歲，第一次拍電視劇，她說是這些年來感到最開心的六月。
快樂的泉源，是因為劇中子優姐姐的角色，令她首次在球場被要求停低簽名。一直被標榜是文青女神的Chloe，其實愛做運動，喜歡打籃球又是Hero籃球隊成員的她，近日首次在球場被要求索取簽名。
「我記得去過一個籃球場打波，打咗兩年都無人認得我，無人搵我影相。到劇集出街，籃球場解封後，我去打波，大啲小朋友、街坊走過嚟叫我子優姐姐，要求要合照，然後影完相就好開心咁跳住走。我覺得好開心，有人認出自己。」
蘇皓兒說，實情是沒法想像拍完一部劇，有這麼大廻響。
做兩父女唔可以成日驚佢
14歲入行做模特兒，被指是翻版周慧敏，拍了不少廣告。21歲加入跳唱組合《As One》，簽約太陽娛樂經理人公司，無論機會和資源都比一般經理人公司強勢。出道未幾，公司安排她們飛韓國受訓，嚴格又充實訓練令她大開眼界。其後又跟偶像方力申合作，在他的mv擔任女主角，兩人更安排有一場接吻戲。兩年多前，跟年紀較她大17年的王宗堯拍拖。不過這些「曝光」機會，都不及她飾演林文龍女兒，扮學生妹有反應。提起這位熒幕老豆，Chloe自言未正式拍攝前，一度被其氣場嚇窒。
「最初真係會驚佢，因為龍爺氣場好大，雖然笑笑口，但其實唔知道佢諗緊咩。但大家拍攝前有一齊傾過劇本，有溝通，而演兩父女真係唔可以成日驚佢嘛。我喺戲中又會鬧佢。例如前幾集，我會鬧佢『黐線㗎！』當然鎮番佢，因為劇情，同埋平日相處，好快已經冇害怕感覺，同埋龍爺私底下係好人。」
- 她稱林文龍為龍爺，大讚這個熒幕爸爸富幽默感。
- 這個劇在兩年前開拍，當時林文龍還未獲邀出任atv的ceo。
- 入行以跳唱組合《As One》出道，已被指似周慧敏。
- 組合在2017年12月正式解散，她主力拍劇。
- 被認為最似周慧敏的側面角度。
真心欣賞方力申
尤其對於不擅辭令的她，更覺有難度，就像數年前，她有次跟組合到電台訪問，事後有DJ半帶幽默：「Chloe啞嘅，都唔講嘢。」在她的角度：「我講嘢冇其他組員咁叻，佢哋經驗豐富，組織能力好。我而家組織能力都唔係好，但至少夠講說話，獨立發展之後，要自己面對所有問題，所以都覺得學到好多嘢。」不過在圈中浸淫五年，她漸有進步，明白作個人發展，要懂得表達自己，溝通尤其重要。蘇皓兒坦率，起步點走玉女形象，到剪了短髮，她也從來沒有刻意隱瞞戀情。好像被指跟方力申打波傳情，她答得誠懇：「佢係我兒時偶像，佢形像好健康，演戲又幾好睇。」她續說：「羅天宇，我哋只係一齊打籃球，早兩日開始傳拍拖，其實我哋無嘢，只係一張合照，咁啱我哋坐埋一齊，因為我唔想低角度影我，所以唯有坐低啲，可能佢都唔想，所以大家一齊坐低。如果佢企起身，都可以寫我哋因為避嫌，一個坐低，一個企起身，我都無特別傳短訊畀佢，因為好小事。」
致那些我愛過的人...
真正拍過拖，要數兩年半前，被拍到跟王宗堯行街食飯，男方早前被拘捕，被控一項進入或逗留在會議廳範圍罪，直至今年初，兩人分手。分手後，她一個人到尼泊爾旅行，回港後留言：「其實整個旅程最大最大的得着是令人學會放下。說再見很不容易。2020年還是決定了自己一個人過生活。謝謝互相陪伴的日子，希望大家都可以變得更好。」而王宗堯則被拍到跟花店長髮老闆娘行街約會。
Chloe回復單身半年，她說拍過幾次拖，以前小孩子氣，分手都不能再做朋友，甚至「封鎖」對方再向她發訊息。問她有甚麼話要跟「那些人」說，她隨即爆喊：「多謝佢哋令我成長，就算係puppy love，直至最近幾年工作認識嘅，都令我成長好多。有時分手處理得唔好，我會好憎對方，但而家諗番起....好難表達，會覺得有呢啲經歷都好好，同埋佢哋都係一個好人。(會唔會有不捨？)會想佢哋所有人都好好。」
----------------------------
全新「和你撐計劃」 專享獨家禮遇 實際行動支持
按此了解更多
----------------------------
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
