2020年6月9日星期二

花六小時學煮日式素食陳貝兒孖梁詠琪搞到腰酸腳痛 #梁詠琪 #陳貝兒

花六小時學煮日式素食陳貝兒孖梁詠琪搞到腰酸腳痛

陳貝兒及梁詠琪又洗又煮玩足六粒鐘，製成品都有板有眼。

陳貝兒(Janis)及梁詠琪(GiGi)唔止係高妹，仲對西式甜品好有興趣，之前Janis修遙距的法國糕餅藝術文憑課程，考獲有關專業資格，得到這個資格可以在法國當廚師，甚至是開餐廳。至於「索媽」梁詠琪喺疫情下，月前帶埋5歲囡囡Sofia造訪高級酒店廚房，兩母女戴上口罩，在大廚指導下與Sofia合力炮製曲奇。

好啱key嘅Janis喺GiGi介紹下，之前結伴齊齊學做傳統日式素食，兩人認真學咗6小時，彎身又洗又切，合共做咗兩個湯、三個頭盤、一個主菜、一味甜品。雖然腰酸骨痛，但好有滿足感，昨日Janis喺IG發文說：「愈來愈發覺快樂係源自於健康，多謝gigi介紹我去學傳統日式素食#精進料理。喺廚房度6個鐘頭不停洗洗切切、煎煎煮煮炸炸。其實烹飪唔單止係興趣，更加係一門修行。最後合力完成了兩個湯、三個頭盤、一個主菜、一味甜品。雖然腰已酸、腳已痛，但係十分充實開心又滿足！

西方文化常言道：you are what you eat。其實只要照顧好當下每個念頭，就會發現連煮飯食飯都係一種修行。」

她還hashtag#同學仔都笑我哋兩個高妹喺廚房度烏低身咗成日#腰酸背痛#爐頭和洗碗盤都不是屬於高妹的#就算未能日日都食得咁清未能食全素都盡量多菜少肉，最後附加補充：「精進料理係唔使用肉類或魚類，依循四季用「當季」食材烹煮而成嘅料理。在6世紀時，精進料理伴隨佛教由中國傳入日本，起初係為修行僧侶所準備嘅餐點。時至今日，對日本飲食文化感興趣嘅人逐漸增多，精進料理也隨之受到來自世界各地的矚目。」

網民留言「整得開心，食得健康、健康生活」、「快樂泉源、貝兒愈來愈美，心善人美」、「日式法式你都玩晒，勁呀！」