2020年6月12日星期五

吳業坤另類鼓勵法　王灝兒IG報告兩周勁減4磅 #吳業坤

吳業坤另類鼓勵法　王灝兒IG報告兩周勁減4磅

JW正努力減肥，她今日出Po叫大家給予愛的鼓勵！

JW（王灝兒）早前被本報拍得於數碼港公園放狗，當時穿貼身瑜珈褲的她手臂、大髀明顯脹卜卜，估計都係抗疫期間陪卓悅太子爺男友葉韋彤（Tarzan）密密食，出現「幸福肥」。本月初現身電台宣傳時，JW亦自爆近排發福，所以開始停食澱粉質，成功一星期減掉兩磅，而今日她又於社交網貼出「出水芙蓉」舊照，並向大家報告最Update瘦身進展，JW寫道：「過去呢兩個星期我都好勤力減肥！！！我喺兩個星期入面減咗4lbs!!真係越大越難減，大家快啲俾多啲鼓勵我啦。」除了男友Tarzan即刻派Like，一眾圈中好友胡鴻鈞、連詩雅、林欣彤等紛紛嗌加油，不過吳業坤的鼓勵就比較另類，他留言：「屙兩嚿無咗」JW都直接地回覆：「我無你咁多屎！！！！」