香港武漢肺炎確診連續第6日破百宗，據悉今日有145宗確診個案，但最終官方公佈數目，視乎截數時間而定，此外今日再有2名患者離世，累計20人死。早前新城電台高層程凱欣確診後，該台旋即撤離員工進行消毒大清洗，有傳電台D100已下令所有DJ須戴口罩做節目。
不過今日D100第三台電台節目《大家「真」風騷》facebook專頁，貼出主持人梁思浩、李麗蕊及陳彥行的照片，留言：「早晨。今天去咗另一安全地帶開咪。村長繼續發放正能量。」見梁思浩並沒戴口罩做節目，輕視疫情，疑未有跟足指示，有聽眾更稱梁思浩以自己說話速度太快「戴口罩會影響大家收聽」為由，不戴口罩開咪，只見他身旁的陳彥行及李麗蕊戴上口罩。
不少網民批評梁思浩的行為自私，怒斥「所謂的安全地帶就係走法律罅」，有聽眾亦感到不滿：「咩由於講嘢好快，戴口罩會影響大家收聽，而家換個地方，唔戴口罩一樣聽得唔清。」
有網民亦好奇戴一個口罩有幾難：「早兩日你咪一樣戴口罩開咪？點解你一定要覺得你自己係特別嘅呢？你有冇諗過自己係隱形帶菌者，你會將啲病毒傳畀你嘅拍檔同工作人員㗎？無知同自私原來真係冇得救。」
另有網民認為公眾人物應該以身作則，「你是公眾人物，無論在哪裏，就算你接受測試呈陰性，但都不應該在網上散佈不戴口罩做節目的低智意識。顧己不及人，太自私。請反思及聽取意見，替行姐及阿芯難受」、「返工室內都要戴口罩，係保護自己之外，亦係保護對方，你啲口水噴晒落咪、枱、其他物品，你點知人哋摸唔摸到，旁邊仲要係行姐，人哋有狗狗要養㗎」。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
