2020年7月24日星期五

【一樣樣嘅】快樂合體就是最美風景 S.H.E.齊紥孖辮遊花蓮 #S.H.E

【一樣樣嘅】快樂合體就是最美風景 S.H.E.齊紥孖辮遊花蓮

相識19年嘅S.H.E.約埋去旅行。

S.H.E.於2001年9月11日出道，2018年9月30日，S.H.E跟老東家華研國際音樂合約到期，三人不再續約並宣佈自組公司。雖然近年好少一齊做嘢，但三人感情好好，一有時間就約埋去旅行，尋日佢哋就紥晒孖辮組成「姊妹旅行團」遊花蓮。

Hebe喺IG貼出大量姊妹出遊照：「睡前一起被最美的風景照轟炸一下吧！」更相當感懷「在一起就是最美的風景」，風景照有靚靚太魯閣及清水斷崖等美景，亦有記錄Ella及Selina私密事，例如Ella嘅揸車Look：「熱愛開車的司機陳大姐說以後退休要去開娃娃車。」又影低最近迷上攝影嘅Selina點樣認真地影相。

三位好姊妹齊紥住辮又戴埋咁上下嘅帽及太陽眼鏡，加上同穿黑色衫，真係好似三胞胎，有多年粉絲留言表示見到三人合體好感動。