真實版本
六月，27歲的楊埕跟拍拖一年多男友Marco發生桃色糾紛，並上了翌日報章頭條。原來，兩人早已分開，當日楊埕返住所執拾物品，正準備離開，卻遇上飲得酩酊大醉的前度回家，一直不願意分開的男友突然激動挽留，楊埕被刀傷臉，留了一條血痕。Marco的手也受傷流血，看見一地的血，嚇得楊埕只記得救人，於是報警求助。但出來卻變成另一個版本，她反被指是傷人那位。
到她站出來說出事情始末，前度已經向她道歉，事件和解，已經是四個月後的事。
「我唔知當時塊面流緊血，只感覺到好痛，捽咗一吓，因為真係太驚，我連鞋都無著就跑落街。我當時一片空白，無拎電話，其實我應該走返屋企，但佢攞刀整傷隻手，所以成地都係血，所以先落街報警。」她終鼓起勇氣重述事發經過。
- 跟前度Marco(左三)拍拖一年多，一直低調，直至發生桃色糾紛。
- 她參選國際小姐香港區選，勝出後代表香港到日本參選國際小姐。
- 發生事後，她在數月後，直至真相大白後才走出陰霾，振作生活。
- 初出道，她有翻版栢芝之稱。
- 開製作公司的她，跟不少藝人都有來往。
太愛變成恨
2楊埕被寃枉，事發後的幾個月都失眠，每到早上才可以闔上眼，雖然現在生活似回復正常，但她發現頸部越來越腫脹，懷疑情緒影響甲狀腺。「我無掂過佢，點樣整傷佢呢？首先佢係好醉，然後可能太愛所以變成恨。」事已至此，她選擇原諒。
- 她拍過大台劇《再創世紀》，跟劇中幾位對手成為朋友。
- 14年，她參選香港小姐，不過最後因合約問題而被迫退出。
- 曾經應品牌之邀，到摩洛哥睇騷，她也拍了大堆靚相跟朋友分享。
- 她是家中老大，經常帶妹妹和細佬去外地旅行。
- 跟王浩信拍《兄弟》，她自言當日正在內地參與《美人魚》選秀，經常兩地走，試過一天只睡幾小時。
香港人壓力大
「佢話當晚斷片，唔知發生咩事，我就好清晰經歷，但都無辦法，佢真係唔記得。我係好容易原諒人，感覺佢都有自己苦衷。我覺得近年香港人好大壓力，包括疫症都令各行各業增加壓力，佢可能又飲多咗。我要分手，佢之前無論點樣都補救唔到，所以一時「跳掣」，我覺得係咁，一個人太鍾意你其實無錯，事後佢同我道歉，我亦因而釋懷。」此次事件，令她上了寶貴一課，也明白到沒有解決不來的事情。- 在《美人魚》選秀中，她因貌似栢芝而受注目。
- 讀完中央戲劇學院後，她接了電影《那年五月》，擔正女一。
- 在日本選美期間，認識了不少朋友，到現在都有來往。
- 開OMAKASE到會，她自言賺了一筆。
不敢告訴90歲爺爺
不過對母親來說，女兒屢是遇人不淑，尤其早已力勸她不要再跟對方來往。「媽咪好擔心，其實佢一早已經叫我唔好再同呢個人有任何接觸，喺未發生事，媽咪幫我執好所有物品，同埋叫我唔好再一齊，亦都唔好再接觸，連朋友都唔好做。因為媽咪覺得佢唔係第一次飲醉酒，發生呢件事，媽咪反而唔敢同我講嘢，唔出聲，然後主動同對方傾偈。爸爸反而好緊張，同我傾咗好多，爸爸會用一個好理智、用法律觀點同我傾。」這件事，她自覺最對不起家人。
「爺爺今年九十多歲，無人同佢提呢件事，佢睇報紙先知，當然好擔心，經常問我有冇事？又問對方而家點？點解會搞成咁？其實都唔想同佢講咁多，費事佢擔心，只係話已經無事，其實心裡面一直覺得好歉疚。」她續說。
探熱槍生意出事蝕6位數
與此同時，開有製作公司的楊埕，在差不多時間也蝕了一大筆，幸而她未有氣餒。「marketing公司本身有好多不同客戶，例如馬來西亞當地有啲醫院，缺乏醫療設備，好似探熱槍同口罩，醫院真係好急住要探熱槍，知道佢哋需要數量後，我就去問身邊人，因為香港有啲人都做緊，我於是做中間人幫手買賣。」由於醫院要一萬支數量，中間人楊埕先要確保質量合乎標準，所以先訂一千支。
「自己投資金額，成功後先至幫呢間醫院搭路，因為擔心對方咁大計劃，咁大筆資金，萬一出意外點算？呢方面我需要負責任。」
「後來我覺得交易狀況唔係太對路，有好多合約條文，所以畀咗誠意金後就斬纜。」事實，對方沒有交貨，她至今仍在「追數」，共損失6位數字金額。
被迫退出選美
楊埕大學一年級時簽唱片公司入行。2014年，她參選港姐成大熱，比賽前一星期突然接到經理人公司通知，她的合約未完，因而被迫中途退出。其後她再參選國際小姐香港區選，她勝出並代表出賽日本，算是完了選美夢。16年，她考入北京中央戲劇學院，同年拍攝電影《那年五月》做女主角，其後參賽星爺《美人魚》選秀節目，試過跟張栢芝同台演出，之後再拍過幾部大台劇，即將推出重頭劇《使徒行者3》，她也有份演出。
感情輸得起
她説今年27歲，高山低谷，自覺一直活得精彩，最重要是心態：「無論跌幾多次，都要搵個位爬返上嚟。」「生意，我輸得起，仲有其他生意賺錢，有機會就會爭取，好似有OMAKASE生意，即廚師到會，喺你面切魚、整和牛，生意好好。感情，我都輸得起，可能之前將感情睇得太簡單，或者話我太遷就別人，縱壞咗對方。以後希望真係改到，唔好因為遷就而冇咗底線。」她說。
雖然難受，委屈，楊埕很快便可以走過來。訪問當日，天晴，在大草地上，楊埕脫了高踭鞋，蹦蹦跳表現很開心，還笑說慶幸今天穿了橙色裙，配合藍天草地的顏色，出來的照片一定很好看。 ----------------------------
《噴火30年壹驚艷 性感女星典藏集》特刊現已出版，各大書報攤及便利店有售，每本港幣九十八元正。
當年鏡頭下的李嘉欣、黎姿、朱茵、舒淇、邱淑貞等三十位經典港姐、性感女星，一一復刻，艷壓全港。
了解更多
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
