年過70的汪阿姐一向愛時裝，亦非常敢着，年輕時已潮着Thierry Muglar等勁裝，現時亦非常玩得，各類撞色、剪裁、風格都隨意挑戰。其中她多年來最愛的服裝品牌，就要數比利時品牌Dries Van Noten，以及玩細紋摺紋的Issey Miyake，近兩年亦迷上Gucci。
秋高氣爽好太陽，儲起不少靚衫、名牌的汪阿姐，她昨日就在天台曬手袋，一身Gucci look和愛犬Coco等一齊曬太陽，手袋場面頗為壯觀。阿姐拎了三張麻雀枱放天台，十足擺地攤般將大批手袋放上去曬，再架住一個晾衫架，將較細的迷你袋串成一串地曬，相當奇趣！目測估計至少有70個，總值過百萬，當中有價值超過10萬的Hermès、七彩鱷魚皮手袋、Dolce & Gabbana珠片手袋、Dries Van Noten龍紋手袋、Burberry經典格紋袋、Bottega Veneta的織皮Clutch，以及LV三年前出、和 Jeff Koons聯乘的名畫手袋系列等，大多色彩鮮艷搶眼，有些看來更珍藏多時，相當有年份，看來阿姐對手袋都十分重感情！
其實阿姐由上月開始就在天台曬衫，她第一次就曬圍巾，月初第二次就曬登台衫，各類晚裝、刺繡珠片裙掛滿天台，十足開時裝店。昨日曬手袋可說是終極篇，「 這個習慣由細個嗰陣已開始、當年住喺北角清華街、一座四層樓嘅舊式樓宇、地下係車房、租出做一間小士多店、仲有頂層一個大天台、我家住3樓，仲有一個騎樓。每年放暑假、媽咪都要我同家姐細佬負責將家中各人的冬天衫、棉胎等搬上天台去曬太陽、是一個好大嘅工程、仲要連續曬2日 、確保所有衣物都清潔 、殺菌、冇蛀壞、冇發霉⋯⋯咁做啲衫就可以著耐啲、襟啲。仲記得曬衫嗰陣我會擔櫈仔坐定定睇公仔書、武俠小說、因為我要守住/睇住啲衫、驚俾人偷咗呀！......童年的快樂時光。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
