林子博在台上獻唱了《傷信》、《忘記你我做不到》等歌曲，在亞視出身的他並表示：「今日返嚟ATV好特別，因為我係ATV出身，94年入亞視，2002年離開，頭先經過2樓製作部，見到劇集海報有自己，感覺幾特別。」
林子博早前為太太辦理身後事，現時開始投入工作，他希望以工作分散注意力，今次重踏亞視，他坦言很特別：「我離開亞視嘅時候，亞視都仲喺廣播道，而家呢度係陌生嘅，但特別係今次我以歌手身份返嚟。」談到他獻唱的歌曲，林子博表示沒有特別憑歌寄意送給太太，「其實總之唔好唱《深愛着你》就得，每次唱都唱唔晒成首，因為呢首歌係老婆想喺靈堂度播。」提到一對子女的情緒，林子博指兩姊弟都沒有影響，他笑說：「阿仔好笑，因為而家疫情，小一至小三唔使返學，佢問點解自己唔係小學三年級㗎？我話佢係小三程度，但小六學歷。」
對於他曾想過搬離現時居所，以免勾起不開心的回憶，林子博說：「呢個係我個女提出，因為佢感覺到我有嘢，成日喺屋企發吽哣（發呆），但我自己係唔知，所以我盡量搵啲嘢分散注意力，可能遲啲冇嘢呢，如果真係唔得咪搬囉！」他指聖誕節期間預訂主題樂園內酒店Staycation，對於近日不少群組爆發疫情，林子博即說：「我冇諗過呢個問題喎，不過我哋都會戴口罩，都想小朋友開心吓，互相o氹吓。」
至於梁雪瑤在張可盈的鋼琴伴奏下獻唱《至少還有你》，梁雪瑤受訪時說：「今晚係網絡形式，冇現場觀眾，反而冇咁大壓力。」而何雙妍很快已被委派司儀工作，反而冠軍蔡小蝶只是到場支持，她說：「可能我本身有幕前經驗，亦做過活動司儀，反而第一次做咁大型嘅節目，所以有啲緊張。發台瘟？發台瘟可以當係個人特色，當係活潑可愛形象。」談到早前被安排參與電影試鏡，何雙妍表示當時不在狀態，所以會自費上戲劇班，希望第二次試鏡爭取更好的表現。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
