已經超額完成喇！藝人鍾嘉欣於2004年由溫哥華來港參選「華姐」，憑表演呼拉圈舞一鳴驚人勇奪冠軍。事隔16年，現時已係兩孩之母嘅佢，再次挑戰呢項才藝表演 ...
藝人鍾嘉欣於2004年由溫哥華來港參選「華姐」，憑表演呼拉圈舞一鳴驚人勇奪冠軍。事隔16年，現時已係兩孩之母嘅佢，再次挑戰呢項才藝表演，更特意着上當時表演嘅戰衣，雖然佢笑言身材走樣：「我生咗兩件啦，如果有啲唧肉嘅位，你哋唔好笑我呀！」但着上身後依然合身，而且望落與當年變化不大，果然凍齡有術！
之後，佢簡單練習一輪後便立即表演，初時見佢都能完美「還原」各種動作，不過跳到中段時，佢逐漸跟唔上拍子大落後，亦表現得相當吃力，令佢都忍唔住感嘆：「跳就跳唔番啦講真，但起碼記到少少Step。」
